УИХ-аар Төсвийн тухай хуулийг батлахдаа Онцгой албан татварын хуульд нэмэлт, өөрчлөлт оруулах тухай хуулийн төслийг хамт баталсан. Тэгэхээр ирэх сарын 1-нээс эхлэн автомашины гаалийн бүрдүүлэлт хийхдээ шинэ хуулийн дагуу татвар төлөх ёстой. Үүнийг доорх хүснэгтээс харна уу.

Хилээр нэвтрүүлж байгаа автомашинуудаас дээрх журмын дагуу албан татвар хураахаар болсон ч Гаалийн ерөнхий газарт УИХ-ын тогтоол хараахан ирээгүй байгаа аж.

Автомашинуудад оногдуулахаар болсон онцгой албан татварын хэмжээ зарим жолоочид таалагдахгүй байгаа бол автомашины ченжүүдийн дураараа авирладаг байдлыг дэвэргээд байгаа юм.

Энэ талаар Гаалийн ерөнхий газрын Санхүү, эдийн засгийн хэлтсийн дарга М.Өлзийбат доорх хариултыг өгсөн юм.

-Хилээр оруулж ирж байгаа хуучин автомашинуудыг хязгаарлах бодлого баримтлахгүй атлаа шинэ машинуудад өндөр татвар ногдуулж байгаад шүүмжлэлтэй хандах хүн цөөнгүй байна. Дэлхийн жишгээр бол насжилт өндөртэй автомашинуудыг зах зээлээс шахах үүднээс өндөр татвар ногдуулаад шинэ автомашинуудад бага татвар ногдуулдаг биш үү?
-Хөдөлгүүрийн хүчин чадал нь 2500-аас дээш буюу жипний төрлийн машинуудад оногдуулах албан татварын хэмжээг нэмсэн. Өмнө нь ийм төрлийн машинуудад 4000 ам.долларын татвар оногдуулдаг байсан бол шинэ хуулиар 10 мянган ам.долларын татвар оногдуулахаар болсон байгаа. Эдгээр машины ялгаруулах хорт утаа харьцангуй их байдаг. Мөн 10-ээс дээш жил явсан машинууд эрсдэл ихтэй байдаг.

-Таны хэлснээр бол том оврын машинуудын үнэд л өөрчлөлт гарах юм байна. Гэтэл бодит зах зээл дээр машины үнэ огцом өссөн шүү дээ? 
-Дээрх хууль хэрэгжиж эхэлснээр хөдөлгүүрийн хүчин чадал нь 2500-аас дээш автомашинуудын үнэ нэмэгдэх судалгаа гарсан. Харин зах зээл дээр автомашины үнэ өсөх нөхцөл бүрдэхгүй гэсэн тооцоо хийсний үндсэн дээр уг хуулийн төслийг боловсруулсан. Тиймээс автомашины үнийг зохиомлоор хөөрөгдөж байгаа байх.

Дээрх хуулийн төслийг агаарын бохирдол, замын түгжрэл, авто ослын хэмжээ зэргийг харгалзаж үзсэний үндсэн дээр боловсруулсан гэнэ. Учир нь насжилт нь бага, хөдөлгүүрийн хүчин чадал нь 3500 хүртэлх автомашинуудаас авах онцгой албан татварын хэмжээг огт нэмээгүй аж.

Ямартай ч эрх баригчид “Чадалтай нь мөнгөө төлөөд том оврын машинаа унаг. Харин чадахгүй нь жижиг тэрэгнүүдээ унаг” гэсэн бодлогыг баримталсан бололтой.

Өнөөгийн нийгэмд үүсээд байгаа баян, хоосны ялгааг улам бүр нэмэхээр шийджээ. Эсвэл “Баячууд нь их татвар төлөх ёстой” гэдэг барууны орнуудад газар аваад байгаа жишгийг нэвтрүүлэхээр шийдээ юм уу даа. Бодит байдал дээр Монголчуудын амьдралын түвшин ямар байгааг мэдэхгүй байгаа тэдний хүссэнээр удахгүй Монголоор дүүрэн нэгэн жигд жижиг тэрэг давхих нь ээ.

Үнэгүй юманд “нугасгүй” Монголчуудын эрэлтийг харгалзаад машины ченжүүд үйлдвэрлээд гурваас доош жил болж байгаа хөдөлгүүрийн хүчин чадал нь 1500-аас доош машин бөөндөөд байхаа ч нэг мэдэх байлгүй.

Р.Сарангоо

2011 оны Formula 1-н улирлын шилдэг 100 зургуудаас орууллаа…

Өвчин намдаах эм нь төв мэдрэлийн тогтолцоог дарангуйлах, нойр хүргэх, хөдөлгөөний баримжааг алдагдуулах, анхаарал сулруулах үйлчлэл үзүүлдэг байна.

Польшийн эрдэмтэд өвчин намдаах, тайвшруулах эм уусан жолооч нар авто ослын тоог 2-4 дахин нэмэгдүүлдэг болохыг тогтоожээ.

Мөн ядаргааны эсрэг эм ч нойр хүргэх, бие нозооруулах үйлчлэл үзүүлдэг тул машин жолоодохын өмнө хэрэглэж болохгүйг анхааруулжээ.

Дээрх эмүүдийг хэрэглэсэн тохиолдолд 1-6 цаг харзнаж байж замын хөдөлгөөнд оролцох ёстой аж.

Жолооны ард суугаа хэн бүхнээс гадна явган зорчигчдод ч хамаатай дараах мэдээллийг “Ниссан” клуб зөвлөж байна.

~ Бяцхан үрсээ жолоочийн хажуугийн суудалд бүү суулгаарай. Ингэснээр машин урд талаараа гаднын биетийг мөргөх үед салхины шил хагарах, салоныг мөргөх зэрэг аюулд өртөхөөс хамгаална.

Мөн огцом тооромзлох үед хүүхдийн нуруу нугасанд гэмтэл учирч болзошгүй. Аюулгүйн дэр задарсан ч хүүхдийг гэмтээх нь бий.

~ Хүүхдийн зориулалтын суудлыг машиныхаа арын суудалд бэхлээд хүүхдээ хойш харуулж суулгаарай. Харин долоогоос дээш насны хүүхдийг хойд талын суудалд аюулгүйн бүс бүслүүлж суулгаарай. Суудлын бүс нь томчуудад зориулсан учраас хүүхдэд томдож, мултрах талтайг анхаараарай.

~ Замын голд зогсож буй явган зорчигчийг анхаар. Тэд машин ойртох, дохио дуугарах үед ар талаа харалгүй ухардаг. Иймээс хойгуур явж буй машин явган зорчигчийн өсгийг дайрах зэргээр шүргэж гэмтээх аюултай.

/Зууны мэдээ/

2011 оны SEMA авто үзэсгэлэнд олны хүртээл болсон концепт машины зургуудаас орууллаа…

Германы машины дизайнер Sasha Selipanov зохиосон бүтээсэн FERRARI 612 GTO концепт машины загвар…

2007 Ferrari 599
2010 Lamborghini Gallardo
2010 Lamborghini Gallardo
2009 Lamborghini Gallardo
2009 Audi R8
2012 Nissan GT-R
2010 Nissan GT-R
2010 Nissan GT-R
2010 Maserati Turismo
2010 Maserati Turismo
2011 Mercedes SL63
2011 Mercedes SLS
2005 Aston Martin DB9

Германы FRANKFURT хотноо саяхан болж өнгөрсөн олон улсын авто үзэсгэлэнгийн фото сурвалжлага…

Та автомашины дугуйн дээрх эдгээр тоо болон бичээсийг юуг илэрхийлж байгааг мэдэх үү?

Зам тээврийн нийт осол, хэргийн 49.6 хувь нь нойтон болон хальтиргаатай нөхцлөөс үүсч байна.Хальтиргаатай нөхцөлд автомашины тоормосны зам 3-4 дахин уртсаж, мөстсөн нөхцөлд автомашины дугуй замтай барьцалдах хүч 5 дахин багасдаг. Зам, дугуй хоёрын барьцалт нь тээврийн хэрэгслийн хурд, дугуйн элэгдэл, хээний чанар, зорчих хэсгийн гадаргуугийн байдал зэргээс ихээхэн хамааралтай. Замын хальтиргаатай хэсэгт авцуулах холбоог салгаж, огцом тоормослох, жолооны хүрдийг огцом эргүүлэх нь шарвах гол шалтгаан болдог.

Автомашины шарвах үйлдлийг жолооны хүрдээр залруулж болно. Шарвах үед сандрах хэрэггүй, жолооны хүрдийг шарваж байгаа тал руу нь эргүүлж, тоормос гишгэхгүй байх хэрэгтэй. Тоормос гишгэсэн үед жолооны хүрдийг яаж ч эргүүлээд нэмэргүй, автомашин чигээ өөрчлөхгүй гулсдаг байна. Иймд хальтиргаа, гулгаатай замд автомашин жолоодож, замын хөдөлгөөнд анхаарал болгоомжтой оролцохыг жолооч нарт зөвлөж байна.

Ахлах дэслэгч Ч.БАТБОЛД

Хэрвээ машинаа гадаа тавихаар бол яндангаа ямар нэгэн зүйлээр бөглөх хэрэгтэй. Янданг бөглөснөөр мотор дахь дулаан агаарыг хадгалдаг. Гэхдээ энэ аргыг удаан хугацаагаар тавих тохиолдолд хэрэглэж болохгүйг анхааруулж байна. Ер нь өвлийн улиралд өндөр чанарын синтетик моторын тос хэрэглээрэй. Түүнчлэн антифрийзийнхээ градусыг хүссэнээрээ тааруулах хэрэгтэй. Манай орны нөхцөлд -50 градус дээр тааруулахад тохиромжтой. Туршлагатай жолооч нар машиндаа рестарт хэрэглэдэг.

Энэ нь машинаа нэг минут орчим асаагаад унтраана. Үүнийхээ дараа аккумлятороо салгаад 4-5 минутын дараа эргэж залгаад асаана. Энэ арга нь өвлийн улиралд машиныхаа эдийг гэмтээхгүй байх хамгийн тохиромжтой арга. Гадаа хэт удаан тавьсан машиныг шууд асаагаад явахад машины эд хэрэглэл маш амархан эвдэрнэ. Машин асаад мотор халахад сальник резинүүд гэсэж хүчтэй даралтанд тосоо барьж дийлэхгүй хагарч хугарах, зад тавих аюултай. Энэ нь бензин их идэх, амортизатор муудах, тос гоожих үндэс болдог. Мөн аккумлятороо хайрлая гэвэл машинаа асаахаас өмнө холын гэрлээ асааж хэсэг байлгасны дараа машинаа асааж байгаарай.

Бельгийн гранпригийн  дараа дэлхийн аварга цолны төлөө өрсөлдөж буй таван нисэгчээс Хэмилтон, Уэббер нарыг боломжоо хадгалан үлдэж, бусад нь тун бага магадлалтай боллоо хэмээж байсан мэргэжилтнүүдийн таамаг одоо эрс зөрөөд байна. Тухайн үед жагсаалтын тэргүүнд явсан Хэмилтон хоёр гараанд дараалан барианд орж чадаагүйгээс гуравдугаар байр хүртэл уруудаж, харин лидерээс 41 оноогоор хоцорч, ТОП-5 нисэгчийн хамгийн ард бичигдэж байсан Фернандо Алонсо хоёр гараанд түрүүлснээр дэд байрт дэвшив.

Дэлхийн хошой аварга испани эр улирлын эхний 13 гарааны 12-т нь байрлал тогтоох уралдаанд тэргүүлсэн “Ред Булл”-ынхны амжилтыг тасалж, Итали, Сингапурын гранприд урдуураа улаан хөлтнийг гишгүү лээгүй ба сүүлийнхэд нь бүр анхны “Их дуулга”-аа хүртсэн. Поул-позишн авч, тойргийг хамгийн хурдан туулсан амжилтыг үзүүлэн, гараанаас бариа хүртэл тэргүүлэн түрүүлбэл “Их дуулга”- ыг гарддаг билээ.

1968 онд Хоккенхаймын авто тойруулгад осолдон тэнгэрт хальсан дэлхийн хошой аварга Жим Кларк “Formula-1”-ийн талбарт 25 ялалт байгуулахдаа наймыг нь төгс гүйцэтгэснээр бүх цаг үе ийн түүхэнд хамгийн олон дуулга цуглуулсан нисэгчээр тодорсон. Их хурдын эхэн үеийн шилдэг нисэгчдийн нэг Алберто Аскари, өнөө цагийн амьд домог Михаэль Шумахер нар тус таван дуулгатайгаар агуу Кларкыг нэхдэг бол Алонсо энэхүү ховор амжилтын жагсаалтад бүртгэгдсэн 21 дэх нисэгч болжээ.

Сингапурын гранпригийн гараан дээр “Ред Булл”-ын Феттельд испани эрийг гүйцэх боломж гарсан ч эргэлт дээр тэдний дугуйны ялгаа гарч, “Феррари”-гийн машин тэргүүллээ хадгалж үлдсэн. Феттель ч үүнийг уралдааны дараах хэвлэлийн бага хурал дээр өгүүлсэн. Тэрбээр “Гараанаас зөө лөн дугуйтай хөдөлсөн нь алдаа байсан. Өнөөдөр машин маань санаснаар хурдалсан ч дугуй хангалттай халах хүр тэл эргэлтийг төгс хийж чадахгүй байсан тул Алонсог гүйцэх хөг нь өнгөрсөн” гэж ярьжээ.

“Феррари”-гийнхан хатуу дугуйтай, хашир нисэгчтэйгийнхээ хүчинд гараанд өнгөлөх магадлалаа хадгалан үлдсэн нь энэ бөгөөд цаашид ч бусад багтай харьцуулахад цэнэглэх зогсолтыг зөв цаг үед хийн, резиний сонголтдоо ч алдаа гаргалгүй явсаар ялалт байгуулсан. Алонсо энэ талаар “Бид Сингапурт ирэхдээ улирлын хамгийн хүнд гараа хүлээж буйг мэдэж байлаа. Халуун, чийглэг ийм нөхцөлд хоёр цагийн турш уралдана гэ дэг маш хэцүү. Тойрог бүрт 24-25 эргэлт хийх учир анхаарлаа хормын төдийд ч сарниулж болохг үй. Энэ гараанд манай штабынхан, механикчид үүргээ төгс гүйцэтгэснээр миний машин түрүүлсэн” хэмээн өгүүлсэн юм.

Тэрбээр “Формула-1”-т хөл тавьснаасаа хойш 60 дахь удаагаа шагналын тавцанд гишгэсэн нь энэ аж. Ингэснээрэнэ үзүүлэлтийн долдугаарт бичигддэг Нельсон Пикетэй зэрэгцжээ. Энэ улирлын ДАШТ өндөрлөхөд дөрвөн гараа үлдээд бай на. Урьдын адил дэлхийн аварга цолны төлөө таван нисэгч өрсөлдсөн хэвээр байгаа агаад тавдугаарт яваа Баттон тэргүүлэгч Уэбберээс 25 онооны зөрүүтэй болжээ. Энэ нь нэг уралдаанд л тэнцүүлчихэж болох ялгаа тул Баттоныг өрс өлдөөнөөс хасч болохгүй юм. Гэхдээ австрали эр энэ улиралд хамгийн тогтвортой амжилтыг үзүүлж, онооны бүсийн гадна ганцхан удаа үлдсэн тул тийм ч амар тэргүүллээ алдахгүй биз ээ. Аравдугаар сарын 10-нд Японы “Сүзүка” авто тойруулгад дараагийн гараа яваг дах ба үүнээс хоёр долоо хоногийн дараа ДАШТ-ий ээл жит гарааг хүлээн авах БНСУ-ын гранпригийн зохион байгуулагчид одоо хэр барилгын ажлаа гүйцэтгэж буй нь FIA-гийнхныг түгшээж байна.

Одон орон, зурхайн зурлагад буусан зам мөрийн дагуу хүний аливаад хандах хандлага, амьдралын хэв маяг бүр ямар нэгэн хэмжээнд бичигдсэн байдаг гэдэгт зарим хүмүүс итгэдэг. Харин жолооч та зурхайгаа уншаад замдаа гараарай.

Хонь
Хонины ордныхон 11.00-17.00 цаг үед зам дээр онцгой анхааралтай байх хэрэгтэй. Замын бөглөөнд орсон бол өөрийгөө тайвшруулах ямар нэг зүйлийг хурдхан бодож ол. “Эхлээд би” гэдэг муу зан тань зам дээр мөргөлдөх аюулаас хол байлгаж чаддаггүйг санахад илүүдэхгүй. Мөн хурдан давхих дуртай. “Феррари” маягийн улаан буюу спорт загварын машинд нүд унагаадаг. Хамгийн сүүлийн үеийн, содон машин унаж яваа хүнийг хонины ордынх гэж таахад андуурахгүй шүү.

Үхэр
Энэ ордны жолооч нарын анхаарал суларч асуудалд учирч болзошгүй цаг нь 11.00 цагаас хойш аж. Хэтэрхий зөрүүд зантайгаас гадна яаруу зантай тул улаан гэрлээр орох зэрэг олонтоо гаргадаг байна. Мөн энэ ордныхон уралдах дуртай. Тэднээс машины уралдаанд дээгүүр давхих сайн тамирчин төрөх боломж их байдаг. Тэгээд ч тэр хотын замыг ч уралдааны бартаат замаар төсөөлж бодох нь бий. Хэрэв хурд нэмэн давхиж эхэлбэл хажуу бөөрнөөс нэг зөөлхөн чичээд авахад буруудахгүй. Тэд газар дээр амархан бууж чаддаг. Тэд машинд нь багахан зураас гарахад л үхрүүд галзууртлаа уурлаж мэднэ.

Ихэр
Анхаарал сайтай хүмүүс тул осолд орж, зам дээр зөрчил гаргаад байх нь ховор. Харин хэтэрхий түрэмгий зангаасаа болгоомжгүй үйлдэл хийх нь бий. Энэ ордынхон жолоо мушгихдаа чадварлаг учраас зам дээр цирк тоглож ч магадгүй шүү. Ихрийн ордны жолоочид чанга дуугарч ямар нэг зүйлийг анхааруулах гэж оролдох хэрэггүй. Салхи исгэрүүлэн хурдан давхихдаа хөгжмөө чинээнд нь тултал чангалах дуртай хүмүүс байдаг тул “Ауди” маркийн машинд сэтгэл татагддаг.

Мэлхий
Тэдний гаргадаг зөрчил голдуу уулзвар дээр таардаг. Тиймээс гарц болон явган замын орчимд анхааралтай явахыг сануулахад илүүдэхгүй. Бухимдуу, ааш муутай зангаа зам дээр ч гаргаж мэднэ. Хоньтой адилхан тэвчээр муутай биш учраас юмны түрүүнд давхиж сагсуурахгүй. Саадыг дайрч биш, тойрч гарах ёстойг бусдаас илүү сайн мэднэ. Мэлхийн ордныхонд хуучин загварын машин илүү санагддаг. Бүс аюулаас хамгаалах найдвартай хэрэгсэл гэдгийг хүлээн зөвшөөрдөг.

Арслан
Энэ ордныхон давхих дуртай. Шулуун, эсвэл чөлөөтэй зам дээр гишгэж өгнө дөө. Сэтгэл сэргэтэл давхих гэдэг тэдний олонхын уриа байдаг юм. Бусдын анхаарлыг өөртөө татах дуртай зан нь замын хөдөлгөөнд оролцож байхад ч илэрнэ. Бас бусдаас . илүү мөрөөдөмтгий хөвсөлзүүр зан нь унах машинаа сонгоход нь ч нөлөөлдөг. Тиймээс Италийн “Альфа Ромео” зэрэг тансаг загварын  машиныг үнэ хайрлахгүй авч чадна. “Ягуар”, “Кадиллак”-ний хажуугаар нүдээ аниад өнгөрнө гэж бараг л байхгүй. Машин урт байх тусам тэдэнд таалагдана. Арслангийнханд машин бол эд хогшил гэхээсээ тоглоом.

Охин
Жолооны ард согтуу явна гэдэг тэдний зүрхлэх ажил биш. Бас ногоон зүлгэн дээгүүр машинтай байтугай явган алхана гэдэг тэдэнд нүгэл. Бас машинд заавал байх зүйлийн нэг нь эмийн сан гэж үздэг тул ном ёсоор нь авч явдаг зантай. Амьдралын бүхий л асуудалд хэтэрхий нямбай ханддаг зан жолооны ард ч илэрдэг. “Тоёота”, “Хонда”, “Киа”-гийн машин илүү тохирно.

Жинлүүр
Жинлүүрийн ордныхон хачирхалтай нь гэгээн цагаан өдөр, шув шулуунхан зам дээр ч осол гаргаж мэднэ. Гэхдээ осол ганц түүний буруугаас болно гэж бараг л байхгүй. Тэр осол гарахад нөлөөлж чадна. Хамгийн сахилгагүй, жолоочийг шалгаруулахад жинлүүрийн ордныхон тодорвол гайхах хэрэггүй. Энэ одрныхон элит маягийн загвартай машин сонирхдог. “Ролс-Ройс”, “Линкольн”, “Мерседес” гэхээр илүү тайлбар хэрэггүй байгаа биз.

Хилэнц
Хилэнцийн жолооч нарыг гүйцэж түрүүлэхдээ тун болгоомжтой байх хэрэгтэй. Харамсалтай нь жолооны ард ямар ордны хүн байгааг таах аргагүй л юм даа. Тэд араас нь хөөж гүйцэхийг тэвчдэггүй. Машин бол түүний итгэлт хүлэг, анд найз нь. Тэр машинтайгаа ярьж ч магадгүй. “Порше”, БМВ үгүй ядаж “Форд” байж л түүний санаанд тохирно. Энэ ордныхон машинаа ойр ойрхон солихыг амрагаа байнга шинэчилж байдагтайгаа адилтган ярьж магадгүй улс. Хогон дундаас ч сайн машин босгох ур ухаан энэ ордныхонд хангалттай бий.

Нум
Жолооны ард нумын ордонд төрсөн хэн нэгэн суугаа бол хажууд нь тухалсан та ч бас тун болгоомжтой байхад илүүдэхгүй. Ялангуяа уулзвар дээр гэрэл яаж асч буйг харж яваарай. Тэд их чалчаа улс. Тиймээс мэргэжилтнүүд нумын ордонд төрсөн жолооч нар машин барьж яваа бол гар утасны талаар мартсан нь дээр хэмээн зөвлөдөг юм. Амьдрал дээр биеэ авч явдагтайгаа адилаар машинаа жолооддог. Бусад жолоочийг буруутгаж загнах нь тэдний хообий. Ямар машин унах нь тэдний нэр төрийн хэрэг. Гэхдээ тэр хэзээ ч хариугүй жижигхэн машин сонгодоггүй.

Матар
Амархан гомддог бас зөрүүд зан нь жолооны ард ч илэрнэ. Зам дээр гэнэтхэн эргэснээ буруу зүйл хийчихлээ гэж гэмшихгүй байгаа бол түүнийг матрын ордонд төржээ гээд таачихад хол зөрөхгүй. Замын элдэв тэмдгэнд дургүйцлээ илэрхийлж, ганцаараа байсан ч үглэж мэднэ. Гэхдээ замын хөдөлгөөний дүрэм гэдэг түүнд бурхны сургаал гэсэн үг. Сонгодог загварын машинд дуртай. “Вольксваген”, “Черокий жийп”-ийг ашиглахад эвтэй, тухтай хэмээн магтана. Машинаа ойр ойрхон солих нь тэдний зан биш. Хамгийн найдвартайг олж аваад, насан туршдаа унана хэмээн боддог юм.

Бумба
Будилуу бас осолд өртөхдөө амархан жолооч голдуу бумбын ордонд төрсөн байдаг юм. Тэд хэцүү үед хурдан сэтгэх ч голдуу буруу тийш нь жолоогоо дарна. Тэднээс авах чанар нь хямгач. Шал дэмий зүйлд шатахуунаа үрнэ гэж бараг л үгүй дээ. Бумбын ордны жолоочийн хажууд сууж яваа зорчигчдод зөвлөхөд тайван бай, түүнийг яаж явааг харахгүйн тулд сонин унш. “Субару Импрезо”, “Субару Импрезо Турбо”, “Лаборжини” загварын төмөр хүлэг илүү таалагдана.

Загас
Замын тэмдэгт анзааргагүй ханддаг. Ямар ч саад таарсан дайраад гарч мэднэ. Тэд зөөлөн аядуу зантай. Мөрөөдөмтгий, өөрийг нь гүйцэж түрүүлэхэд уурлаж бухимдахгүй. Харин ч эсрэгээр таалагдаж мэднэ. Гэхдээ явах зам урт бол шүү дээ. Дэргэд нь яваа хүн уурлаж бухимдахад дургүй. Хурдаа хас гэсэн шаардлагыг хэзээ ч хүлээж авахгүй. Загасныханд машин биш үлгэрт гардаг шидэт хивс хэрэгтэй. Тэд машин сонгохдоо олонтаа эргэж буцдаг нь үүнтэй холбоотой. Муухай машинтай явахыг үзэж чаддаггүй.

http://niigmiintoli.mn/