Лос-Анжелест болдог авто шоуны өмнө автомашин үйлдвэрлэгчдийн дизайнерүүдийн тэмцээн болдог уламжлалтай. АНУ-д машин худалддаг бараг бүх томоохон корпорацуудад Калифорнид дизайны товчоо байдаг. Энд дэлхийн өнцөг булан бүрээс авьяас билэгтнүүд цуглаж америкаар зогсохгүй дэлхий нийтийн зах зээлд зориулсан загваруудыг бүтээж байдаг. Санхүүгийн хямралаас болоод энэ оны “Youth mobile 2030″ үзэсгэлэнд тэд тэр бүр шинэ загваруудтайгаа оролцож чадсангүй. Энэ оны дизайнерүүдийн сэдэв нь 2030 оны залуусын хөлөг гэсэн сэдэв байсан бөгөөд Audi, GM, Honda, Mazda, Nissan болон Toyota корпорацууд өөрсдийн загвараа танилцуулсан байна. Хөгжингүй орнуудын залуусын амьдралд өнөөдөр автомашин ихээхэн үүрэг гүйцэтгэх болж, автомашин нь тэдний өөрийгөө илэрхийлэх имиж нь болж, найз нөхөдтэйгээ харьцахад нь ихээхэн чухал болсон байна. Улам хурдан өөрчлөгдөж буй харилцаа холбооны хэрэгсэл ирээдүйн тээврийн хэрэгслийг ч ихээхэн өөрчлөх төлөвтэй. Шинэ үеийнхэн маань гартаа гар утастайгаа, онлайн найзуудтайгаа вебкамерийн хяналтан дор өсч бойжиж байна. Орчин үеийн харилцаа холбооны технологи нэвтрээгүй загварын машинууд бол тэдний хувьд үеэ өнгөрөөсөн музейд тавигдвал зохих эд ажээ. General Motors Advanced Design тавчооноос компьютерийн автомашины уралдаанд ялсан залууст л машин барих эрх олгох нь зүйтэй гэсэн санал гаргаж байна. Уг сургуулилтын автомат нь эхлэн суралцагсадыг удирдан авч явж зогсоолд нь хүргэх ба улмаар дадлагажин бодит байдалд ихээхэн ойр замд ур чадвартайгаар эцсийн зогсоолд хүрч чадаж буй тоглогчидод л машин жолоодох эрх олгодог болох ажээ.

Калифорни дахь Honda Research and Development төв нь хүний геномыг ашиглан хувийн машиных нь хэлбэрийг тодорхойлохоор мөрөөдөж байх юм. Honda Helix нь жолоочтой “холбогдоод” тухайн биеийн параметрүүдийг судалсаны үндсэн дээр машины “хэлбэрээ өөрчлөгч полимер”-ээр бүтсэн салоныг тухайн хүнд тохирох A, B эсвэл Z хувилбаруудаас тохирохыг сонгон хэлбэрийг нь өөрчилдөг болох ажээ.

Nissan Design Америка товчооны дизайнерүүд арай илүү бодитой төсөл хийжээ. Тэд ирээдүйн машинуудыг GRID гэж нэрлээд буй цахилгаан замаар явна гэж үзжээ. Байгаль орчинд халгүй энэ машинууд хэрэглэгчийн янз бүрийн хүсэлт шаардлагаар өөр өөр загвартай байх гэнэ.

Mazda R & D of North America товчоо нь цахилгаан хөдөлгүүр болон раамтай Mazda Souga машиныг 2030 онд үйлдвэрлэх ажээ. Машины гадаад хэлбэрийг хэрэглэгчийн хүсэл сонирхлоор бүтээнэ. Залуус тусгай сайтаас эдний машины 3D загварыг татан авч өөрийн сонирхсон дизайнаар өөрчлөөд уг загвараа үйлдвэр лүү явуулж хүссэн машинаа хийлгэж болох болно.

Калифорнийн Volkswagen/Audi of America Design төв Audi: eOra ба eSpira гэсэн хоёр загвар санал болгож байна. Энэхүү машинуудын гол онцлог нь тэдний жолоодлого юм. Жолооч машинаа өөрийн биеийн хөдөлгөөнөөр жолоодож явах болно. Машины удирдлага хүний биеийн хөдөлгөөнийг маш соргогоор мэдэрч жолоодоход маш хялбар болж та хашаа машин тийшээ л яваад байх ажээ.

Toyota’s Calty Design Research товчооны зохиосон машин бол роликтой тэшүүр шиг л харагдах ажээ. Хувь хүн өөрт таалагдсан хэлбэрээ сонгож авах ба явж байгаад найз нөхөдтэйгээ тааралдвал хоёр машинаа холбож, хамтдаа явж болдог ажээ. 2009 оны 12-р сарын эхээр болох Лос Анжелесийн авто шоуны үеэр эдгээр “мөрөөдлийн машинуудын” ялагч нь тодрох ажээ.

Цаг төр сэтгүүл

2009 оны сүүлчээр Европын улсуудад худалдаанд гарах спорт загварын Volkswagen Scirocco R. Техник үзүүлэлтийн хувьд 265 морины хүчтэй 2.0 литрийн багтаамж turbocharged 4 цилиндртэй хөдөлгүүртэй. 6 шатлалтай механик болон хагас автомат гэсэн 2 төрөлтэй. Шулуун замд 250 км/ц хүртэл хурдлаж, 100 км/ц-г 6.5 сек-д хурдлах хүчтэй юм байна.

Германы автомашин үйлдвэрлэгч “Volkswagen” компанийн 2009 оны нэгдүгээр улирлын ашгийн хэмжээ тун тааруухан гарчээ. Тодруулбал, өнгөрсөн гурван сарын хугацаанд тус компанийн цэвэр ашиг өнгөрсөн оны мөн үетэй харьцуулахад 74 хувиар буурч, 929 сая евро байсан бол 243 сая еврод хүрсэн байна. Санхүүгийн зах зээлийн тогтвортой бус байдлын улмаас “Volkswagen” компани урьдчилсан тайлан гаргаагүй боловч өмнөх жилүүдийнхээс харьцангуй тааруу үзүүлэлт гарчээ. Европын хамгийн том автомашин үйлдвэрлэгч “VW” компанийн борлуулалт 2009 оны нэгдүгээр улиралд 11 хувиар буурч, 24 тэрбум евро болсон байна.

SOURCE: news.mn

Volkswagen компани энэ онд болсон Bologna Motor Show дээр өөрийн 2009 онд худалдаанд гаргах гэж буй 2 хаалгатай Scirocco Studie R загвараа олон нийтэд танилцуулжээ. Scirocco Studie R нь 270 морины хүчтэй бүхий 2.0 litre turbocharged хөдөлгүүртэй аж.

Volkswagen компани Golf Twin Drive нэртэй шинэ загварын машин гаргажээ. Энэхүү машин нь цахилгаан, түлшээр явдаг. Цахилгаан хөдөлгүүрээрээ 50 км явдаг ба хөдөлгүүр нь 82 морьны хүчтэй, Түлш нь 122 морьны хүчтэй. Ямар ч 220 квт-ийн залгуураар цэнэглэж болдог машин юм байна. Байгаль орчинд ээлтэй энэхүү машин нь одоогоор 20 ширхэгийг гаргаж туршиж байгаа бөгөөд 2010 оноос худалдаанд гаргах юм байна.

Volkswagen компани Las Vegas-т  болсон 2008 SEMA auto show дээр концепт машин Super CC Eco Performance загвараа олон нийтэд танилцуулжээ…

Фольксваген … Үнэхээр гайхалтай үйлдвэр … энд ямар нөхцөлд хэрхэн машин үйлдвэрлэгддэг нь харагдах байх …

Фольксвагений инженерүүд  Passat-ыг хийхдээ түүний өчүүхэн  хэсгийг ч үлдээлгүй бүгдийг нь нарийн бодож хийжээ. Тийм ч учраас уг лимузин нь маш чанартай, хямд, тохилог, аюулгүйн байдлыг дээд зэргээр хангасан, шатахуун бага зарцуулдаг,  байгаль орчнийг бага бохирдуулдаг автомашин болж чаджээ. Пассатын будаг нь 12 жилийн үйдвэрийн баталгаатай байдаг. Мөн түүний салоны битүүмжлэл одоогоор хамгийн дээд оноог авч байна.

Ослоос хамгаалах аюулгүй байдал
Пассат нь „Euro NCAP“-ын хийдэг Crashtest буюу туршилтыг даван туулж хамгийн өндөр оноо болох ТАВАН ОДыг авчээ. Ялангуяа дээд зэрэглэлийн төмрөөр зорчигчийн бүхээгний рамыг хийсэн нь шилдэг болоход гол үзүүлэлт болсон байна. Мөн зорчигчийн эргэн тойронд ослоос хамгаалах нийт 10 ширхэг дэр байрлуулж өгснөөрөө бусад автомашинуудаас онцлог болж чаджээ. Пассат нь „Euro NCAP“-ын дөрөв дэх ТАВАН ОДыг авсан автомашин юм.

Замын хөдөлгөөний  аюулгүй байдал
Пассатын стандарт тоноглолд электрон тэнцвэржүүлэх программ (ESP), электрон дэфирэнциал түгжээ (EDS), тоормосны шарвалтын эсрэг системүүдийг (ABS, EBV, ASR) оруулж өгчээ. Электрон тэнцвэржүүлэх программ нь бусад системүүдээ холбож өгч байдаг. Энэ бүх системүүд нь автомашины бүх удирдлагыг гартаа оруулж аюулгүй байдлыг дээд зэргээр хангаж өгдөг.

Зогсоолын тоормос
Пассатын стандарт тоноглолд автомат зогсоолын тоормос багтжээ. Энэ тоормос нь жолооны хүрдний зүүн хэсэгт байрлах товчлуураар идэвхжиж урагш хөдлөхөд автоматаар тавигддаг болохоор өөд газар түр зогсоод хөдлөхөд гурвийн холбоо хийх шаардлагагүй болгосон байна. Энэ тоормос нь  “Auto Hold-Funktion“ буюу өөд газар зогсоход туслах системтэй хосолжээ. Энэ нь аюулгүй байдлыг хангаж байгаа бас нэгэн үзүүлэлт юм.

Асаах систем
Пассатын алсын удирдлагатай төвийн түгжээ буюу асаах, унтраах систем нь хамгийн шинэлэг түлхүүргүй систем юм. Уг асаах систем “Press & Drive“ нь харахад энгийн түлхүүрийн оосор шиг хэлбэртэй. Түүн дээр төвийн түгжээг алсаас онгойлгох, хаах болон тээшний хэсгийг онгойлгох товчлууруудыг байрлуулжээ. Хөдөлгүүрийг асаахын тулд та түүнийг жолооны хүрдний баруун талд байрлах тогтоогч руу хийж түлхэнэ.

Тав тух
Пассатын жолооны хүрд нь түүний хурдаас хамаарч хатуурч бас зөөлөрч байдаг нь хамгийн тохиромжтой, аюулгүй удирдлагыг бүрдүүлж өгдөг. Мөн товчлууруудыг хэрэглэхэд маш хялбархан болгож, хянах самбарыг их ойлгомжтой болгожээ. Дотор интериер нь дээд ангилалыг санагдуулам маш тохилог бөгөөд хөдөлгүүрийг урд талд нь хөндлөн байрлуулсан учраас салон дотроо хангалттай том зайтай болсон байна. Зөвхөн зорчигчийн хэсгээс гадна арын тээшний хэсэг их зайтай болж өгчээ. Энэ нь Пассатын өмнөх загварын тээшний багтаамжаас  90 литрээр томорсон буюу 565 литрийн багтаамжтай юм.

Мэдээлэлийн самбар
Хянах самбарын голд байрлах жижиг мэдээлэлийн самбар нь сүүлийн 100 км идсэн шатахууны дундуж үзүүлэлт, одоогоор идэж байгаа үзүүлэлт, байгаа шатахуунаар хэр хол явж болох, асаасанаас хойшхи хугацаа, гаднах дулаан (хэм) зэрэг үзүүлэлтүүдийг мэдээлж байдаг. Мөн нэмэлт тоноглолоор дугуйны хий шалгах системийн заалтыг оруулж болно.

Хүчтэнгүүд- Пассатын бензин хөдөлгүүрүүд
Пассат 6 төрлийн бензин хөдөлгүүр таньд санал болгож байна. Түүний хамгийн жижиг Отто-Мотор нь 1,6 литрийн багтаамжтай 102 морины хүчтэй хөдөлгүүр юм. Дараа нь инжектортой, 4 цилиндр бүхий FSI хөдөлгүүрүүд болох 1,6FSI (115 морины хүчтэй), 2,0FSI (150 морины хүчтэй),  2,0 Turbo FSI (200 морины хүчтэй), 3,2  V6 FSI (250 морины хүчтэй)  зэрэг хөдөлгүүрүүд орно. Харин 2,0FSI болон 3,2  V6 FSI хөдөлгүүр дээр 4MOTION (4WD) болгон сонгох боломжтой.

Шатахуун хэмнэгчид- Пассатын дизель хөдөлгүүрүүд
Пассат 3 төрлийн дизель хөдөлгүүр таньд санал болгож байна. Түүний хамгийн жижиг Дизель-Мотор нь 1,9 литрийн багтаамжтай 105 морины хүчтэй хөдөлгүүр юм. Дараа нь Dieselpartikelfilter-тэй, 4 цилиндр бүхий TDI хөдөлгүүрүүд болох 2.0TDI (140 морины хүчтэй), 2,0TDI (170 морины хүчтэй)  хоёр хөдөлгүүр орно. Харин 2.0TDI (140 морины хүчтэй) хөдөлгүүр дээр 4MOTION (4WD) болгон сонгох боломжтой.

Пассатын шинэ хөдөлгүүр, 250 морины хүчтэй 3,2  V6 FSI
Пассатын хамгийн сүүлд гаргасан 250 морины хүчтэй уг хөдөлгүүрийг Trendline-аас бусад лайнаар авч болох юм. Мөн энэ хөдөлгүүр дээр  4MOTION (4WD) болгон сонгох боломжтой бөгөөд шинээр гаргасан хурдны хайрцагтай (Doppelkupplungsgetriebe-DSG) захиалж болно. Уг хөдөлгүүр нь 100 км-т 9,8 литр бензин зарцуулдаг.

Хамгийн хүчтэй, спорт загвар. Passat R36
Фольксваген олон улсын автомашины  „Essen Motor Show“ үзэсгэлэн худалдаанд шинээр Passat R36 загварыг танилцуулсан. Энэ загвар нь седан, комби вариантаар худалдаанд гарч байгаа. Мөн Пассатын түүхэнд хамгийн хүчирхэг 300 морины хүчтэй хөдөлгүүртэй юм. R-серийн энэ загвар нь зөвхөн сувдан хар хөх „Biscay Blue Perleffekt“ өнгөтэй байхаас гадна дискэн дугуйн хүрд, спорт гоёомсог хормой, титан никель урд салхивчны хүрээ зэрэг нь стандарт тоноглолдоо орж өгдөг. Шатахуун зарцуулалт нь 100 км-т 10,8 литр бензин юм байна.

V6 FSI – хамгийн залуу бөгөөд шинэ хөдөлгүүр
3,6 литрийн багтаамжтай уг хөдөлгүүр нь Touareg-ийн хамгийн шинэ, залуу хөдөлгүүр бөгөөд нэмэлт инжектортой хөдөлгүүр юм. Уг хөдөлгүүрийг механик буюу автомат хурдны хайрцагтай захиалж болно. Түүний 280 морины хүч нь 8,6 секундэнд 100 км/цагийн хурд авах чадвартай бөгөөд 100 км-т 13,3 литр шатахуун зарцуулдаг юм байна.

Шилдэгээр
Европын 24 орноор автомашины сэтгүүл гаргадаг AutoBild грүпын жил болгон шалгаруулдаг Шилдэг Автомашинаар 40 сая хүний саналаар Пассат шалгарсан байна. Энэ шагналыг авахад нөлөөлсөн гол үзүүлэлт нь түүний аюулгүйн байдал, үнэ, засвар үйлчилгээний зардал зэрэг нь оржээ. Урд нь 1997 онд Пассатын 5 дахь загвар мөн энэ шагналыг авч байжээ. Пассат нь анх 1973 оноос эхэлж үйлдвэрлэгдэж бөх бат чанараараа олны танил болсон юм. Өнөөг хүртэл 6 дахь буюу В6 загвараа гаргаад байна.

Та энэхүү автомашиныг 55, 64, 75 морины хүчтэй бензин хөдөлгүүртэйгээр, 70, 80, 100, 130 морины хүчтэй дизель хөдөлгүүртэйгээр сонгон авах боломжтой. Энэ загварын давуу тал нь түүний шатахуун зарцуулалт юм. Дунджаар бензин хөдөлгүүр нь 5.9л, дизель хөдөлгүүр нь 4.7л шатахуун зарцуулдаг байна. Шинэлэг дизайн, тохь тухаас гадна өнөөгийн замын хөдөлгөөний нөхцөлд аюулгүйн байдал маш чухал. Аюулгүйн байдалд анхааран германы зохион бүтээгчид airbag, ABS, ESP гэх мэт хамгаалалтын системүүдээр тоногложээ.