2010 онд худалдаанд гарахаар төлөвлөгдөж буй спортын Porsche 911 Turbo. 500 морины хүчтэй 3.8 литрийн багтаамжтай  flat-six, twin-turbo хөдөлгүүртэй. Хурдны хайрцаг нь 6 шатлалтай механик, 7 шатлалтай автомат гэсэн 2 төрөлтэй. Дээд хурд нь шулуун замд 312 км/ц, харин 100 км/ц-г 3.6 сек-д хурдлана.

Porsche компани Женевийн үзэсгэлэн худалдаан дээр Cayenne Diesel загвараа олон нийтэд танилцуулсан билээ. 240 морины хүчтэй 3,0 литрийн багтаамж бүхий V6 дизель хөдөлгүүртэй. Хотын замд 100 км-т 9,3 литр дизель зарцуулна. Худалдаалах үнэ нь  ойролцоогоор $60 000 байх гэнэ.

порше маркийн машины түүхийг харуулсан үзэсгэлэн нь бүр 1976 онд нээгдсэн юм. Тэр цагаас хойш шинэ загварууд олноор гарсан боллохоор музейг томосгох шаардлага гарсан нь мэдэж. Ингээд 2005 оноос музейг томосгох тендер зарлахад Delugan Meissl архтектурын товчоо ялжээ. 5600 метр талбайд 80 загвар, энэ машины түүхтэй холбоотой 200 гаруй үзмэрийг байрлуулсан байна. Гэхдээ энэ музейд байрлуулсан үзмэрүүд нь зүгээр ч нэг үзмэрүүд биш харин уралдаанд байнга оролцож байдаг гэдгээрээ тун онцлог ажээ.

Porsche-гийн шинэ загвар болох Panamera гийн дотор ба гадаад загварынх нь зураг ашгүй нэг нэтээр тавигдаж эхэллээ. Дотоод засал нь өмнөх машинуудаасаа арай л өөрөөр хийж чадсан харагдаж байна. 7 араатай ба арын суудалд сууж буй зорчигчдыг уйдаахгүйн тулд дэлгэцийг байрлуулж өгсөн нь бүр тансаг. Энэ оны 9 сарын 12 нд шинэ Panamera загвараа Германд худалдаанд гаргах ба 6 араатай, 4.8 литр зарцуулдаг нь $130,000 ийн үнэтэй байх аж. Харин Америкт Panamera $89,800 ийн үнэтэйгээр зарагдана. 

2 хүний суудалтай спорт загварын 2010 онд худалдаанд гаргахаар төлөвлөж буй Porsche 911 GT3. 435 морины хүчтэй 3.8 литрийн багтаамжтай Flat 6 мотор суурилуулсан бөгөөд хурдны хайрцаг нь 6 шатлалтай механик. Дээд хурд нь 194 mph, 100 км/цагийг 4,1 сек-д хурдлах хүчтэй…

“Porsche” гайхалтай загвартай спорт автомашинаараа дэлхийд алдартай. Өнгөрсөн жил “Porsche” машин үйлдвэрлэж олдог мөнгөнөөс зургаа дахин их хэмжээний мөнгийг хувьцааны бизнесээс олжээ. Тэдний өөрсдийнх нь хэлдгээр хувьцааны бизнес хийх нь ганцхан шалтгаантай, тэр нь юу гэхээр компанийн туйлын зорилго гэж болох автомашин үйлдвэрлэгч мангасуудын нэг “Volkswagen”-ыг эрх мэдэлдээ авах гэнэ. 

2008 оны аравдугаар сард “Porsche” гэв гэнэтхэн л мэдэгдэл хийж, “Volkswagen”-ы нийт хувьцааны 74-өөс доошгүй хувийг эзэмшдэг гэж зарласнаар “VW”-ын хувьцааны арилжаа эрс багасч, зах зээлээс шахагдаж эхэлсэн байна. “VW”-ын хувьцааны үнэ огцом өсч, 1000 еврогоос давснаар богинохон хугацаанд дэлхий дээрх хамгийн үнэтэй компани болж хувирчээ. “VW” компанийн хувьцааны үнэ унана хэмээн найдаж, азаа туршиж суусан хувийн хөрөнгө оруулалтын сангууд 10-40 тэрбум еврогийн алдагдал хүлээсэн хэмээн дор бүрнээ мэдэгдсэн байна. Харин “Porsche” ямар нэгэн буруутай алхам хийгээгүй хэмээн ярьж, хувьцаанаас ямар нэгэн ашиг олоогүй гэжээ. Одоо Германы санхүүгийн зохицуулагч “BaFin” дээрх хэргийг шалган үзэж байгаа бөгөөд эрх мэдлээ хэтрүүлэн хэрэглэсэн явдал байгаа эсэхийг тогтоохоор ажиллаж байна.

Түүхийг эргэн харвал…

“Porsche” болон “Volkswagen” нарын түүхийг эргэн сөхвөл эртнээс нааш сүлжилдэн, орооцолдсон байсан гэж болно. Фердинанд Порше 1930-аад онд тун аятайхан загвартай Volkswagen Beetle-ийг зохион бүтээсэн бөгөөд тэр нь дэлхийн хэмжээнд Германы эдийн засгийн амжилтын бэлгэдэл болсоор иржээ. Удалгүй тэр өөрийн хувийн компаниа байгуулж, супер хурдан спорт загварын автомашин үйлдвэрлэлээрээ дэлхийд гайхагдах болсон байна. Өдгөө Поршегийн гэр бүлийнхэн өвөөгийнхөө байгуулсан компанийг эзэмшин, удирдаж байгаа ба “Porsche” компаниас даруй 14 дахин том “Volkswagen” компанийг мэдэлдээ авахаар санаархаж байгаа юм. “Volkswagen”-ы хувьд Европын авто салбарт томоохонд тооцогдох Seat, Audi, Lamborghini, Bugatti болон Bentley нарын зарим брэндийг эзэмшдэг.

Амжилт

1990-ээд оны эхэн үед болсон хямрал “Porsche”-г ч бас хамарч, олон хүмүүс, шинжээчид энэ хямралын дараа “Porsche” хөл дээрээ зогсч үлдэх эсэхэд эргэлзэж байв. Харин дараа нь 1993 онд Венделин Вьедекин компанийн ерөнхий гүйцэтгэх захирлын суудалд томилогджээ. Санхүүгийн албаны дарга Холгер Хаертерийн хамтаар тэр компанийн байдлыг эргүүлэхээр ажиллаж эхэлсэн байна. Швейцарийн Цюрих хотод төвтэй санхүүгийн үйлчилгээний “Credit Suisse” компанийн Европын авто салбар хариуцсан тэргүүн Арндт Эллингхорст “Вьедекин шийдвэр гаргаж байсан, гэхдээ тун эрсдэлтэй шийдвэр. Тэр шинэ загварын автомашин бүтээх тал дээр юунаас ч эмээдэггүй байсан” хэмээн дүгнэжээ. Тэд мөн бараа бүтээгдэхүүнийхээ үнийг хямдруулах арга хэмжээ авч, хамгийн гол нь ноён Хаертер санхүүгийн зах зээлд орохын тулд “Porsche” компанийн бэлэн мөнгийг ашиглаж байв. Тэд хэдийгээр машин үйлдвэрлэх тал дээр туршлага багатай байсан ч хөрөнгө оруулалтын бизнест гайхалтай амжилт гаргажээ. Улмаар тэр хувийн хөрөнгө оруулалтын сангаар дамжуулан зах зээлд ноёрхох байр суурь олж авсан бөгөөд эцсийн дүнд нь “Volkswagen” компанийг мэдэлдээ авахаар чармайх болсон байна. “Volkswagen”-ыг мэдэлдээ авснаар тус компанийн үйлдвэрлэлийн боломж бололцоо, тоног төхөөрөмж, технологи, эдгээрээс ч чухал мөнгийг нь эзэмших юм.

“Volkswagen”-ы эрх

2005 оноос эхлэн “Porsche” компани “Volkswagen” дахь оролцоогоо бага багаар өргөжүүлж эхэлжээ. Улмаар 2008 оны есдүгээр сар гэхэд “Porsche” компани “Volkswagen”-ы нийт хувьцааны 35.14 хувийг гартаа оруулсан байв. “Porsche”-гийн зүгээс ч компанийн урт хугацааны зорилт нь “VW”-г авах явдал гэдгийг олон нийтэд зарлаж, ганцхан саад болж буй зүйл нь “Volkswagen-ы эрх” гэгч зүйл байгааг онцолжээ. “Volkswagen-ы эрх”-ийн гол утга нь тус компанийг бусад өрсөлдөгч, дайснуудаас хамгаалах явдал байв. Тодруулбал, компанийн 80 хувийг гартаа оруулсан цагт л жил бүрийн хуралдааны үеэр чухал шийдвэрийн талаар ярилцах боломж бүрдэх ёстой юм. Гэтэл Саксон хотын захиргаа “VW”-ы хувьцааны 20.1 хувийг эзэмшдэг учир дээрх боломж хаалттай хэвээр байсаар байна. Харин “Porsche” мөрөөдлийн гэж болох зорилгодоо хүрэхийн тулд энэ хууль дүрмийг өөрчлөх шаардлагатай байгаа юм.

Гэнэтийн цохилт

2008 оны аравдугаар сарын 26-ны ням гаригт “Porsche” гэнэтийн дайралт хийв. Тэд “VW” компанийн нийт хувьцааны 74.1 хувийг эзэмших болсноо зарлажээ. Хэрэв тэд 80-аас дээш хувийг гартаа оруулж чадвал дэлхийн автомашины салбарт данстай агуу “Volkswagen” өөрөөсөө 14 дахин бага “Porsche”-гийн мэдэлд орох юм.

news.mn

2010 оноос Porsche компанийн худалдаанд гаргах гэж байгаа 2 хаалгатай Cayman S загварын спорт автомашин нь 320 морины хүчтэй 3.4 литрийн багтаамж бүхий 6 цилиндр мотротой. 4,9 секундын дотор 100 км/ц хүртэл хурдлах чадалтай. 7 автомат хурдны хайрцагтай.

Porsche Panamera нь Porsche-ийн 2010 онд худалдаанд гаргах гэж байгаа анхны 4 хаалгатай спорт суудлын автомашин юм байна.