Америкийн цэргүүдийн гол унааны нэг болсон Хаммер жийп автомашины түүхэнд бичигдэх унааны нэг боллоо. Учир нь Америкийн автомашин үйлдвэрлэгч “Женерал Моторс” компани дөрөвдүгээр сарын 12-ноос эхлэн Хаммер жийп үйлдвэрлэхээ зогсоохоор болжээ.

Үйлдвэрлэл зогсох ч гэлээ энэ машины эзэмшигчдийг 15 жил тоног төхөөрөмжөөр хангах аж. “Женерал Моторс” компанийн олон улсын үйл ажиллагаа хариуцсан дарга Тим Ли энэ мэдэгдлийг хийсэн байна. Ингэснээр Хаммер жийп Понтаик, Сатурн зэрэг шилдэг брэндийн автомашины адил амьгүй брэнд болж байгаа юм. “Женерал Моторс” компани Хятадын “Тенжон” компанитай байгуулах хэлэлцээрт Хятадын Засгийн газар саад болжээ. Хятадын компани Хаммер брэнд болон автомашин үйлдвэрлэх технологийг худалдан авахын тулд 150 сая долларын гэрээ байгуулахаар ярилцаж байсан ч талууд тохиролцоонд хүрээгүй аж. Ингэснээр Америкийн явган цэргийн гол унааны нэг болсон Хаммер жийп жирийн хэрэглээнд орсон 20 жилийн түүхийг эцэс болгожээ. Америкийн Мичиган муж улсын Лансин хот дахь “Женерал Моторс” компанийн салбар үйлдвэр дөрөвдүгээр сарын 12-нд Н2, Н3 загварын хамгийн сүүлийн 849 ширхэг Хаммер жийпээ үйлдвэрлэх аж. Гэхдээ цэргийн зориулалтын автомашины үйлдвэрлэлийг үргэлжлүүлэх юм.

“Женерал Моторс” компани зөвхөн энгийн хэрэглээний Хаммер жийп үйлдвэрлэх эрхтэй. Цэргийн зориулалтын Хамви автомашиныг Америкийн армид нийлүүлэх ажил үргэлжилнэ” гэж “ЖМ” компанийн хэвлэлийн төлөөлөгч Роман Сколский мэдэгдсэн байна. Хамви хуягт автомашиныг Америкийн хүнд машин механизм үйлдвэрлэгч “АМ Женерал” компани үйлдвэрлэдэг аж. Тус компани Хамви машины анхны загварыг 1970 онд үйлдвэрлэсэн бөгөөд энгийн хэрэглээний Хаммер жийп 1990 онд анх бүтээсэн байна. Энэ төрлийн автомашин нь “Цөлийн шуурга” цэргийн ажиллагааны дараа хүмүүсийн сонирхлыг ихээр татах болжээ. “АМ Женерал” компани Хаммер жийпийн албан ёсны худалдааг 1992 оноос эхэлжээ.

1999 онд “ЖМ” компани Хаммер жийп үйлдвэрлэх эрх авсан байна. Ингэснээр тус компани Н1 загварын Хаммер жийп үйлдвэрлэн дараа нь Н2, Н3 загварыг худалдаанд гаргасан юм. 2006 он гэхэд Хаммер жийпийг дэлхийн 33 оронд худалдаж байжээ. 2006 оны 10 дугаар сараас хойш “ЖМ” компани Оросын Калининградын Автотор үйлдвэр, Өмнөд Африкийн Порт Элизабет хотын үйлдвэрт энэ машинаа угсрах болжээ. Гэвч 2009 оноос эдгээр үйлдвэрт Хаммер жийпийн үйлдвэрлэлийг зогсоосон байна. Энэ загварын машины үйлдвэрлэлийг зогсоосон ч ирэх 15 жилийн хугацаанд уг машинд хэрэглэдэг тоног, төхөөрөмжийг үйлдвэрлэх аж. Гэсэн хэдий ч Хаммер жийп унадаг эрхмүүдэд өөр олон эрсдэл тулгарч байна. Жишээ нь машин үнэ цэнээ алдаж, тоног хэрэгсэл нь ховордон үнэ нь нэмэгдэнэ гэж хэрэглэгчид сэтгэл дундуур байгаа юм.

Америкийн автомашин үйлдвэрлэгч хамгийн том компани “ЖМ” компани өнгөрсөн онд 9046 ширхэг Хаммер жийп борлуулсан бол 2006 онд 71 мянган Хаммер худалдаж байжээ.

Америкийн “Женерал моторс” компани “Хаммер”-ынхаа хяналтын багцаа худалдах хэлэлцээрийг хятадын “Сычуань Тэнчун” корпорацтай хийжээ. Талууд Дейтрот хотод энэ тухай гэрээ хэлэлцээрт гарын үсэг зурсан байна.

“Сычуань Тэнжун” нь “Хаммер” брендийг ийнхүү авах болж, энэ маркийн автомашиныг эх орондоо үйлдвэрлэх эрх олж авчээ. Мөн түүнчлэн хятадын тус корпораци энэ автомашины худалдааны диллерээр сонгогдсон байна.

Энэ гэрээг бүрэн хэрэгжүүлэх үүднээс “Сычуань Тэнжун” мөдхөн хөрөнгө оруулалтын компани байгуулахаар төлөвлөжээ.

“Женерал Моторс” болон “Сычуань Тэнжун” нар хамтран хоёр улсын холбогдох төрийн байгууллагаар баталгаажуулсны дараа гэрээ хэлэлцээр бүрэн дуусгавар болно гэж саяхан мэдэгдсэн байна.

Business Times

HUMMER HX загварын концетп машинаа 2008 онд болсон Detroit Motor Show дээр танилцуулжээ. HUMMER HX-ийн хөдөлгүүр нь FlexFuel V6 загварын 3,6 литрийн багтаамжтай юм байна.

Загварын хувьд Toyota FJ Cruiser болон Wrangler жийпийн дизайнтай нилээн төстэй болжээ …

Hummer нь 30 жилийн өмнө Америкийн армийн захиалгаар ”АМ Женерал” компани анх үйлдвэрлэж эхэлсэн юм байна.