Японы автомашин үйлдвэрлэгч “Хонда” компани нэг хүний суудалтай, цахилгаан хөдөлгүүртэй орчин үеийн тээврийн хэрэгсэл бүтээжээ.

“Honda 3R-C” гэдэг бүтээгдэхүүнээ энэ долоо хоногт эхлэх Женевийн автомашины шоуны үеэр олон нийтэд танилцуулах юм.

“Honda 3R-C” машин нь араасаа яг л мотоцикль шиг харагддаг бөгөөд урдаа хоёр дугуйтай, ардаа нэг дугуйтай аж. Жолоочийн суудал нь тусгай зориулалтын тунгалаг хаалттай бөгөөд энэ нь салхины хамгаалалт болохоос гадна жолоочийн аюулгүй байдлыг хамгаалах үүрэгтэй юм. Авсаархан “Honda 3R-C” тээврийн хэрэгслийг Италийн Милан хот дахь “Хонда” компанийн судалгаа шинжилгээ, загвар зохион бүтээг үйлдвэрийн европ мэргэжилтнүүд бүтээсэн байна. Байгальд ээлтэй гэх энэхүү тээврийн хэрэгсэл нь хүлэмжийн хий ялгаруулдаггүй гэдгээрээ онцлог юм.

МОНЦАМЭ

Лос-Анжелест болдог авто шоуны өмнө автомашин үйлдвэрлэгчдийн дизайнерүүдийн тэмцээн болдог уламжлалтай. АНУ-д машин худалддаг бараг бүх томоохон корпорацуудад Калифорнид дизайны товчоо байдаг. Энд дэлхийн өнцөг булан бүрээс авьяас билэгтнүүд цуглаж америкаар зогсохгүй дэлхий нийтийн зах зээлд зориулсан загваруудыг бүтээж байдаг. Санхүүгийн хямралаас болоод энэ оны “Youth mobile 2030″ үзэсгэлэнд тэд тэр бүр шинэ загваруудтайгаа оролцож чадсангүй. Энэ оны дизайнерүүдийн сэдэв нь 2030 оны залуусын хөлөг гэсэн сэдэв байсан бөгөөд Audi, GM, Honda, Mazda, Nissan болон Toyota корпорацууд өөрсдийн загвараа танилцуулсан байна. Хөгжингүй орнуудын залуусын амьдралд өнөөдөр автомашин ихээхэн үүрэг гүйцэтгэх болж, автомашин нь тэдний өөрийгөө илэрхийлэх имиж нь болж, найз нөхөдтэйгээ харьцахад нь ихээхэн чухал болсон байна. Улам хурдан өөрчлөгдөж буй харилцаа холбооны хэрэгсэл ирээдүйн тээврийн хэрэгслийг ч ихээхэн өөрчлөх төлөвтэй. Шинэ үеийнхэн маань гартаа гар утастайгаа, онлайн найзуудтайгаа вебкамерийн хяналтан дор өсч бойжиж байна. Орчин үеийн харилцаа холбооны технологи нэвтрээгүй загварын машинууд бол тэдний хувьд үеэ өнгөрөөсөн музейд тавигдвал зохих эд ажээ. General Motors Advanced Design тавчооноос компьютерийн автомашины уралдаанд ялсан залууст л машин барих эрх олгох нь зүйтэй гэсэн санал гаргаж байна. Уг сургуулилтын автомат нь эхлэн суралцагсадыг удирдан авч явж зогсоолд нь хүргэх ба улмаар дадлагажин бодит байдалд ихээхэн ойр замд ур чадвартайгаар эцсийн зогсоолд хүрч чадаж буй тоглогчидод л машин жолоодох эрх олгодог болох ажээ.

Калифорни дахь Honda Research and Development төв нь хүний геномыг ашиглан хувийн машиных нь хэлбэрийг тодорхойлохоор мөрөөдөж байх юм. Honda Helix нь жолоочтой “холбогдоод” тухайн биеийн параметрүүдийг судалсаны үндсэн дээр машины “хэлбэрээ өөрчлөгч полимер”-ээр бүтсэн салоныг тухайн хүнд тохирох A, B эсвэл Z хувилбаруудаас тохирохыг сонгон хэлбэрийг нь өөрчилдөг болох ажээ.

Nissan Design Америка товчооны дизайнерүүд арай илүү бодитой төсөл хийжээ. Тэд ирээдүйн машинуудыг GRID гэж нэрлээд буй цахилгаан замаар явна гэж үзжээ. Байгаль орчинд халгүй энэ машинууд хэрэглэгчийн янз бүрийн хүсэлт шаардлагаар өөр өөр загвартай байх гэнэ.

Mazda R & D of North America товчоо нь цахилгаан хөдөлгүүр болон раамтай Mazda Souga машиныг 2030 онд үйлдвэрлэх ажээ. Машины гадаад хэлбэрийг хэрэглэгчийн хүсэл сонирхлоор бүтээнэ. Залуус тусгай сайтаас эдний машины 3D загварыг татан авч өөрийн сонирхсон дизайнаар өөрчлөөд уг загвараа үйлдвэр лүү явуулж хүссэн машинаа хийлгэж болох болно.

Калифорнийн Volkswagen/Audi of America Design төв Audi: eOra ба eSpira гэсэн хоёр загвар санал болгож байна. Энэхүү машинуудын гол онцлог нь тэдний жолоодлого юм. Жолооч машинаа өөрийн биеийн хөдөлгөөнөөр жолоодож явах болно. Машины удирдлага хүний биеийн хөдөлгөөнийг маш соргогоор мэдэрч жолоодоход маш хялбар болж та хашаа машин тийшээ л яваад байх ажээ.

Toyota’s Calty Design Research товчооны зохиосон машин бол роликтой тэшүүр шиг л харагдах ажээ. Хувь хүн өөрт таалагдсан хэлбэрээ сонгож авах ба явж байгаад найз нөхөдтэйгээ тааралдвал хоёр машинаа холбож, хамтдаа явж болдог ажээ. 2009 оны 12-р сарын эхээр болох Лос Анжелесийн авто шоуны үеэр эдгээр “мөрөөдлийн машинуудын” ялагч нь тодрох ажээ.

Цаг төр сэтгүүл

2010 оноос худалдаанд гарах 1.5 литрийн багтаамжтай 4 цилиндертэй ба хурдны хайрцаг нь 6 шатлалтай механик Honda CR-Z загварын спорт машин.  Мөн л 2009 оны Токиод болсон олон улсын авто үзэсгэлэн дээр олон нийтэд танилцуулжээ.

Шатахууны үнэ тэнгэрт хадаж байгаа өнөө үед Honda компани өөрийн концепт кар цахилгаан хөдөлгүүртэй энэхүү авсаархан Honda EV-N загвараа 2009 оны Токиогийн олон улсын авто үзэсгэлэн дээр олон нийтэд танилцуулжээ.

Honda Accord Croosstour – ын хүчин чадал 2 төрлөөр гаргаргах юм.2,4 литрийн багтаамжтай 177 морины хүчин чадалтай, 3,5 литрийн багтаамжтай V6 271 морины хүчин чадал гэж 2 янзаар гаргахаар төлөвлөөд байгаа байна.
Accord Crosstour энэ намар хойд америкийн зах зээл дээр нэг бүр нь 25 мянган доллараар зарагдаж эхлэх юм байна.

Японы “Honda” компанийн инженерүүд “Honda Fury” загварын анхны чоппероо үйлдвэрлэж саяхан New York хотод болсон IMS show дээр олон нийтэд танилцуулжээ. Үйлдвэрлэгчдийн төлөвлөж байгаагаар дараа жилийн зунаас худалдаанд гаргах бөгөөд үнийн хувьд 10000 орчим америк доллар байхаар тооцоолж байгаа гэнэ.

Японы автомашин үйлдвэрлэгч “Honda Motor” компани дэлхийн санхүүгийн зах зээлийн хямралтай холбоотойгоор “Formula 1”-д өрсөлддөг багаа худалдах гэж байгаа гэнэ. Компанийн зүгээс Honda багт жил бүр 300 сая фунт стерлинг зарцуулдаг аж. Эх сурвалжийн мэдээлж буйгаар Honda нь ирээдүйтэй баг боловч одоогийн байдлаар хөрөнгө оруулагч хараахан олдоогүй байгаа юм. Түүнчлэн Honda-гийн зүгээс уралдааны багаа зарахаас гадна “Formula 1”-д зориулж дахин хөдөлгүүрээр хангахгүй гэдгээ мэдэгджээ.

Honda корпорацийн ерөнхийлөгч Такэо Фукуи хэвлэлийн бага хурлын үеэр хэлэхдээ “Honda Motor компани Formula 1-ийн бүхий л арга хэмжээнд дахин оролцохгүй болсон. 2008 оны хувьд Honda уралдааны баг Formula 1-д өрсөлдсөн сүүлийн жил байлаа” гэсэн байна. Мөн тэрбээр нэмж, “Дэлхийн авто үйлдвэрлэл хүндхэн нөхцөл байдалтай тулгараад байгаа тул бид дээрх хэцүү шийдвэрийг гаргалаа. Honda компани цөм болсон үйл ажиллагаагаа хэвээр үргэлжлүүлж, хэвээр хадгалах шаарлагатай” гэжээ. Ройтерс агентлагийн мэдээлснээр багийн эзэд болох Росс Браун, Ник Фрай нар хэлэхдээ нэг сарын хугацаанд худалдан авагч олдохгүй бол багийнхаа үйл ажиллагааг бүрэнүй бол ирэх улиралд Formula 1-д 18 уралдааны машин л өрсөлдөх юм.

Одоо болж байгаа Лос-Анжелесын авто шоугаар Honda компани өөрсдийн хамгийн сүүлийн спорт загварын FC Sport машинаа сонирхогчдод дэлгэн үзүүлж бэлэг барижээ.

Японы “Honda Motor” компанийн сүүлийн гурван сарын ашиг огт төсөөлөөгүй байсан хэмжээгээр өсчээ. Гэсэн хэдий ч сүүлийн үед алдагдалтай ажиллаж буй тус компанийн хувьд бүтэн жилийн санхүүг авч үзвэл алдагдалтай гарах төлөвтэй байгаа юм.

Өнгөрсөн дөрөвдүгээр сараас зургадугаар сар хүртэлх хугацаанд “Honda Motor” компани 179.6 тэрбум иен (1.68 сая ам.доллар)-ийн ашигтай ажилласан нь өнгөрсөн жилийн мөн үетэй харьцуулвал даруй 8.1 хувиар өссөн үзүүлэлттэй байгаа аж. Сүүлийн үед Японы мөнгөн тэмдэгт иений ханш өсөх болсонтой холбоотой компанийн орлого 2.2 хувиар буурсан байна.

“Honda Motor” компанийн санхүүгийн байдалд ийнхүү төсөөлж байснаас харьцангуй сайн үр дүн гарч байгааг эс тооцвол тус компани энэ жил 18 хувийн алдагдал амсана гэсэн урьдчилсан тооцоо гарсан юм. Харин ийнхүү гурван сарын хугацаанд багагүй ашиг олсон гол шалтгаан нь тус компанийн зардлаа багасгаж, бүтээгдэхүүнийхээ үнийг өсгөсөн явдал аж. Түүнчлэн газрын тосны үнэ огцом өссөнтэй уялдуулж, “Honda” компани түлш бага зарцуулдаг автомашин үйлдвэрлэх болсонтой нягт холбоотой юм.

SOURCE: news.mn

“Форбс” сэтгүүл хамгийн “эршүүд” болон “эмэгтэйлэг” автомашиныг тодруулжээ. Эмэгтэйчүүдийн дунд хамгийн эрэлттэй буй автомашинаар Японы Honda Fit загварын төмөр хүлэг тодорсон байна. Үнэ, чанар, техникийн үзүүлэлтийн цогц гэлтэй энэхүү загвар нь US News & World Report сэтгүүлийн 2008 оны шилдэг автомашинаар тодорсон. Бүсгүйчүүдийн сонирхдог автомашины жагсаалтад Kia Spectra, Hyundai Elentra /2008/, Toyota Yaris, Nissan Versa, BMW Z4, Honda Pilot, Mazda CX-7, Hyundai Tiburon, Chrysler Pacifica удааллаа.

Харин том бөгөөд үнэтэй автомашин сонирхдог эрчүүд Maybach-ийг сонгожээ. Германы Daimler AG компанид үйлдвэрлэсэн, хагас сая ам.долларын үнэтэй Maybach-57 болон 62 загварын худалдан авагчид бүгд эрчүүд байсан гэнэ. Мөн Mercedes-Benz GL-Class, Lamborghini Gallardo, Rolls-Royce Phantom, Dodge Viper, Mercedes-Benz G-Class, Ferrari F430, Cadillac Escalade ESV, BMW 6 Series, Aston Martin DBS загварыг эрчүүд хамгийн их сонирхдог аж.

SOURCE: www.mongolnews.mn

Японы “Honda Motor” компани “FCX Clarity” нэртэй, устөрөгчийн болон цахилгаан хөдөлгүүртэй автомашиныхаа үйлдвэрлэлийг эхэлжээ. Дөрвөн хүний суудалтай, дунд оврын седан загварын энэхүү автомашин нь дэлхийн дулааралд сөргөөр нөлөөлөх янз бүхийн хийний оронд зөвхөн цэвэр ус ялгаруулах гэнэ.

“Honda Motor” компанийн хэлж буйгаар уг автомашин нь хий-цахилгаан давхар хөдөлгүүртэй  автомашинаас хоёр дахин, харин энгийн шатахуунаар ажилладаг автомашинаас гурав дахин бага түлш зарцуулдаг юм байна. “FCX Clarity”-гийн хөдөлгүүр нь устөрөгч болон хүчилтөрөгчийг цахилгаан болгож хувиргах бөгөөд цагт 100 миль хүртэл хурдлах чадвартай юм байна.

“FCX Clarity” нь ирэх долдугаар сараас эхлэн АНУ-ын Калифорн мужийн хэрэглэгчдийн гарт очих бөгөөд оны сүүлчээр Японд худалдаалагдаж эхлэх аж. Компанийн төлөвлөж буйгаар жилийн дотор АНУ болон Японд цөөн тоогоор, харин гурван жилийн хугацаанд 200 ширхэг борлуулагдах гэнэ. Ийнхүү борлуулалтын хэмжээ бага байгаа нь устөрөгчийн болон цахилгаан хөдөлгүүртэй автомашины үнэ өндөр байдаг, мөн устөрөгчийн түлш бүхий шатахуун түгээх станц ховор байдагтай холбоотой ажээ.

SOURCE: news.mn