Ford Focus RS500 нь 345 морины хүчтэй 2.5 литрийн багмаамжтай 5-cylinder turbocharged мотортой бөгөөд шулуун замд дээд хурд нь 265 км/ц. Харин 100 км/ц-г 5.9 сек-д туулах хүчтэй…

Дэлхийн санхүүгийн хямрал автомашин үйлдвэрлэлд тун хүнд цохилт өгч тэдний өмнө шийдэхэд бэрхтэй хүндхэн асуудлыг босгож тавьсан. Daily Telegraph дэлхийн автомашин үйлдвэрлэлийн ирээдүйг тодорхойлогч нөлөө бүхий таван хүнийг дараахи байдлаар тодорхойлжээ.

Грэм Акио Тойода

Дэлхийн автомашин үйлдвэрлэлийн хамгийн том компани Toyota-гийн ерөнхийлөгч Акио Тойода өөрийн стратегийн бодлогоороо ер нь дэлхий дахины үйлдвэрлэлийн хөгжилд асар их нөлөөтэй шийдвэрүүдийг гаргаж байдаг хүн. Тойода бол компанийг үндэслэгчийн ач хүү бөгөөд сүүлийн 14 жилд анх удаа энэ гэр бүлээс тус компанийг тэргүүлэх болсон билээ. Хэдийгээр тэр тавь гарч яваа насны эр боловч Японы хувьд ийм өндөр албан тушаалд бол их залууд тооцогддог. Тойода нь Morizo нэрээр блог хөтөлдөг, Германы нилээд дуулиантай 24 цагийн Нюрбургринг авто уралдаанд оролцох зэргээр бизнесмэнүүд дундаа нилээд содон хүн юм.

Ерөнхийлөгчийн албан тушаалыг хүлээж аваад анхны хэлсэн үгэндээ л “Намайг үүнд оролцохоо боль гэж олон хүн хэлдэг л дээ. Гэхдээ энэ уралдаанд миний оролцох хэд хэдэн шалтаг байдаг юм аа. Нэгдүгээрт энэ бол Нюрбургринг уралдаан, хоёрдугаарт энэ бол 24 цаг болдог тэмцээн, гуравдугаарт энэ бол машин бүтээхтэй нягт холбоотой зүйл” гэж ярьсан байна. Toyota-д ажиллах нь түүний хувьд хүндхэн асуудлуудтай учирсан. Компани өөрийн хөгжлийн 72 жилийн түүхийн хамгийн бэрх хэцүү хямралыг давах болсон хүнд үед тэрээр удирдлагыг гартаа авсан. Энэ оны гуравдугаар сард тус компани түүхэндээ анх удаа жилийн орлого нь 437 тэрбум йенээр буурсан билээ. Йений ханш өсч байгаа болон хамгийн ашиг ихтэй зах зээл болох АНУ-д хэрэглээ буурч байгаагаас энэ онд борлуулалт 8,97 саяас 7,3 сая болж бууран ахин унана гэж Тойода тооцоолж байгаа ажээ.

Toyota компанид “аврал хэрэгтэй болоод байна” гээд “сураггүй алга болох бүр сөнөх ч аюул ойрхон байна” гэж Тойода мэдэгдэж байгаа. Иймээс “Бид хэрэглэгчдээ сонсож, хамгийн сайн машин үйлдвэрлэх ёстой” гэж тэр мэдэгдэж байна.

Ерөнхийлөгч Барак Обама

АНУ-ын ерөнхийлөгч Обама Chrysler болон General Motors компаниудын бүтцийн өөрчлөлтийг дэмжээгүйсэн бол дэлхийн автомашин үйлдвэрлэл өдийд нилээд өөр болох байлаа. Сайн болсон уу муу болсон уу гэдгийг одоо хэлэхэд эрт байгаа ч Обама “автомашины хаан” Стив Раттнерийг ажиллуулснаар бага оврын машин үйлдвэрлэдэг Дорныхон хүч түрж эхэлсэн үед АНУ-ын үйлдвэрлэлийн хүчин чадлыг хадгалж үлдэж чадсан билээ.

АНУ-ын сангийн яам шинэчлэгдсэн General Motors-ын 60%-ийг өмчилж, бизнест нь 50 тэрбум долларын хөрөнгө оруулж, компанийн захирал Рик Вагонерийг авч хаясан. Харин Chrysler 10 гаруй тэрбум долларын зээл авч Fiat компанитай нэгдсэн билээ. Серджио Маркионне Италийн Fiat нь дэлхийд бүү хэл европын хамгийн том машин үйлдвэрлэгч биш боловч түүний захирал Сарджио Маркионнегийн хүчин чармайлт, шийдмэг тэмүүллийн ачаар олны анхаарлын төвд ороод байгаа юм. Хэзээ мөдгүй дампуурахдаа тулаад байсан тус компанийг тэрээр таван жил толгойлохдоо бусдыг өөртөө нэгтгэн улам хүчирхэгжиж буй аж үйлдвэрлэлийн тэргүүлэх зэргийн шилдэг компанийн нэг болгож чадсан юм.

Fiat нь Chrysler компанийн хувьд “аврагч ханхүү” болсон бөгөөд бүр давраад Opel болон Vauxhall компаниудыг худалдан авах санал тавьж байв. Гэвч Маркионне үйл явдал нэг л олон ангит кино шиг хөврөөд байна гэж мэдэгдэн энэхүү саналаасаа татгалзсан нь магадгүй зөв шийдвэр байсан биз. 2004 онд Маркионне удирдлагыг гартаа авах үед Fiat нь дөрөвхөн жилийн дотор 8 тэрбумын алдагдал хүлээгээд байсан юм.

2005 оноос компани ашигтай ажиллаж эхэлсэн. Маркионне бага оврын загваруудад гол анхаарлаа хандуулаад “Бид бол автомашин үйлдвэрлэгчид дотроо бол Apple харин 500 шинэ загвар маань iPod” гэж мэдэгдэж байв. Түүнийг Fiat компанийн чадавхийг хэтрүүлэн үнэлж байна гэж мэргэжилтнүүд үзэж буй боловч одоогоор гаргаад буй амжилт нь яах аргагүй олны анхаарлыг татаж байгаа юм. Тус салбарын ирээдүй бол дахин хуваарилалт болон бага оврын машин гэж Маркионне байнга яриад байгаа тийм болохоор шинэ шинэ нэгдлүүд бий болохыг үгүйсгэх аргагүй юм.

Алан Мулалли

Янз бүрийн улс орны хэрэглэгчдийн хувьд Ford бол хамгийн шилдэг машин хэвээрээ л байгаа. АНУ-ын бие даасан хамгийн том автомашин үйлдвэрлэлийн компанийг тэргүүлж буй Алан Мулаллийн амжилт нь дэлхийн зах зээл дэх барууны үйлдвэрлэгчдийн хүчний харьцаанд ихээхэн нөлөө үзүүлсэн билээ. Ford нь АНУ-д General Motors болон Chrysler компаниудын зах зээлийг улам бүр булаан авч, төрийн өмгөөлөл эрэлгүйгээр дампуурлын аюулыг зайлуулж чадсан хүчирхэг компани юм.

2006 оноос хойш 30 тэрбум долларын алдагдалд ороод байсан компани нь Мулаллигийн удирдлагаар гуравдугаар улиралд Хойд Америкт ашигтай ажиллаж чадсан ба 2011 он гэхэд дэлхий даяар ашигтай ажиллана гэж төлөвлөж байна. Мулалли бусад өрсөлдөгчдөөсөө илүү хурдан шуурхай ажиллаж Lehman Brothers дампуурахаас өмнө амжиж Jaguar, Land Rover болон Aston Martin зэрэг ачаанаасаа салж амжсан ба шатахуун бага зарцуулдаг машин сонирхох болсон хэрэглэгчдийн таашаалыг эрт мэдэрч энэ чиглэл рүү ажиллаж чадсан байна.

Ли Шуфу

Хятадын машин үйлдвэрлэгч хувийн хамгийн том компанийн тэргүүн тэрээр Хятадын Генри Форд гэгдэх болжээ. Хятадын зах зээлд түүний эзэлж буй байр суурь нь нөгөө талаар БРИК-ийн орнуудын машин үйлдвэрлэлийн байдлын тод жишээ болж байдаг.

Энэтхэгийн Tata Motors компани Jaguar, Land Rover-ийг худалдан авсан, Оросын “Газ” Opel компанийг худалдан авахаар хөөцөлдөж байгаа ба Хятад улсын зах зээл нь машин борлуулалтаараа АНУ-ыг ардаа орхисон бөгөөд Хятадын компаниуд барууны томоохон компаниудтай нэгдэх оролдлого хийх болсон.

Ли Шуфугийн Geely компани нь Лондонгийн такси үйлдвэрлэгч Manganese Bronze компанитай наймаа тохирсон ба Volvo-той тохирохоор оролдож байна. Geely нь хоёр зуун мянган машин л Хятадын зах зээлд нийлүүлдэг боловч Хятад болон бусад оронд маш түргэн өргөжиж байгаа юм.

Тус компани нь Гонконгийн биржид бүртгэлтэй бөгөөд Goldman Sachs 334 сая долларын хөрөнгө оруулалт хийсэн нь түүний нэр хүнд хэрхэн өсч буйн илрэл юм. Ли нь Хятадын хамгийн том баячуудын нэгэнд тооцогддог бөгөөд төрийн өмч давамгайлсан улсад түүний зарим нэг санаархал нь ихээхэн маргаан өрнүүлдэг байна.

“Автомашин үйлдвэрлэх нь хүмүүсийн бодоод байдаг шиг хэцүү асуудал биш болсон. Автомашин чинь дөрвөн дугуй, залуур, мотор л юм шүү дээ. Автомашин үйлдвэрлэлд хэрэглэж буй технологи асар их хөгжсөн. Шаардлагатай технологи, сэлбэг хэрэгсэл болон инженерүүдийг худалдан авах мөнгө надад хангалттай бий гэж бодож байна” гэж ярьдаг хүн дээ.

Цаг Төр сэтгүүл

Ford компани 2010 онд худалдаанд гаргахаар төлөвлөөд буй спорт Ford Mustang Shelby GT500 Super Snake. Хүчин чадал нь 700 морины хүчтэй 4.6 литрийн багтаамжтай V8 supercharged хөдөлгүүртэй. Хурдны хайрцаг нь 6 шатлалтай механик…

Америкийн автомашин үйлдвэрлэгч их гурвалын нэг “Ford” компанийн 2009 оны нэгдүгээр улирлын санхүүгийн тайлан тооцоолж байснаас хамаагүй дээр гарсан бөгөөд компанийн удирдлага Засгийн газраас тусламж авах шаардлагагүй талаар байр сууриа илэрхийлсэн байна. Тус компани өнгөрсөн гурван сарын хугацаанд 1.4 тэрбум ам.долларын алдагдал амссан хэмээн мэдэгдсэн боловч энэ нь шинжээчдийн таамаглаж байсан урьдчилсан дүнгээс харьцангуй бага тоо юм. Энэхүү мэдэгдлийг хийсний дараа “Ford”-ын хувьцааны үнэ бирж дээр тэр даруй 16 хувиар өссөн байна.
Санхүү, эдийн засгийн хямрал, доройтлын улмаас худалдан авагчдын чадвар буурч, тансаг, үнэтэй хэрэглээгээ хязгаарлах болж, автомашины эрэлт хэрэгцээ эрс багассанаар дэлхийн хэмжээнд дийлэнх автомашин үйлдвэрлэгчид хүндхэн байдалтай тулгараад байгаа билээ. “Ford” компанийн гол хоёр өрсөлдөгч болох “General Motors” болон “Chrysler” компаниудын хувьд ч гэсэн АНУ-ын Засгийн газраас хэдэн тэрбум ам.долларын тусламж, зээл авсан хэдий ч дампуурлын ирмэгээс холдож чадахгүй л байна.

“Ford” компанийн 2009 оны нэгдүгээр улирлын санхүүгийн тайланд тусгагдсан алдагдлын хэмжээ өнгөрсөн оны дөрөвдүгээр улиралтай харьцуулахад илт сайжирсан үзүүлэлт ажээ. Тодруулбал, 2008 оны сүүлийн гурван сарын хугацаанд тус компани 5.9 тэрбум ам.доллар, 2008 онд нийтдээ 14.6 тэрбум ам.долларын алдагдал амсчээ. Гэтэл ганцхан жилийн өмнө нэг улирлын хугацаанд “Ford” компани 70 сая ам.долларын ашигтай ажиллаж байсан юм.

Түүнчлэн “Ford”-ын Европын зах зээл дээрх хувьцааны үнэ 9.4 хувиар өссөн нь сүүлийн 10 жил харагдаагүй өндөр төвшин гэнэ. Харин алдагдлын тухайд Европ дахь салбар компани 2009 оны нэгдүгээр улиралд 550 сая ам.долларын алдагдалтай ажиллажээ. Дашрамд сонирхуулахад, өнгөрөгч гуравдугаар сард компанийн хувьд борлуулалтаараа тэргүүлсэн бүтээгдэхүүн нь Ford Fiesta байсан аж.

SOURCE: news.mn

Ford компани Interceptor люкс суудлын загвараа 2007 онд үйлдвэрлэж тухайн жилдээ Detroit Auto Show үзэсгэлэн дээр олон нийтэд танилцуулжээ. 400 морины хүчтэй 5.0 литрийн багтаамж бүхий V8 загварын хөдөлгүүртэй юм байна. Мэргэжилтнүүдийн үзэж байгаагаар Ford Iosis болон Ford Reflex загваруудтай төстэй дизайнтай болсон хэмээн дүгнэж байжээ.

Ford-аас 2010 оноос худалдаанд гаргах Mustang Shelby GT500 нь 540 морины хүчэи чадалтай 5,4 литрийн багтаамж бүхий supercharged V8 загварын хөдөлгүүртэй. Харин хурдны хайрцаг нь 6 шатлалтай механик болон автомат гэсэн 2 янзаас сонголт хийх юм байна.

Сүүлийн үед технологийн ертөнцөд нанотехнологийн талаарх мэдээ, мэдээлэл өргөн цацагдаж байгаа билээ. Хорт хавдрыг устгах нано жижиг хэсэг, хавдрыг илрүүлэх нано төхөөрөмж, химийн шинжлэх ухааны нано тархи гэх мэт. Харин анх удаагаа автомашинд нанотехнологийг ашиглахаар болжээ. “Форд Мотор” компани өөрийн автомашины дотор гадаргууг илүү бат бөх, уян хатан болгож, жинг багасгах зорилгоор нано жижиг хэсгүүдийг ашиглах гэнэ. “Нано жижиг хэсгүүдийг ашиглах ажил бүтэмж сайтай өрнөж байна. Бид тэрхүү нано хэсгүүдийг салгаж, өөрийн автомашины материалд тараан суулгаж өгснөөр бидний бүтээгдэхүүн илүү хөнгөн, өнгөлөг, бат бөх, тэсвэр сайтай болно” хэмээн Фордын нанотехнологийн салбарын менежер Маттью Залузек ярьжээ.

Нанотехнологийн тусламжтайгаар Фордынхон бат бөх, хөнгөн пластикаар машины доторлогоо, дотоод загвар, эд ангиуд, хөдөлгүүр болон гадаад жижиг хэсгүүдийг хийх боломжтой болжээ. Түүнчлэн нанотехнологийг ашиглан хөдөлгүүрийг сайжруулсан хөнгөн цагаанаар хийх гэнэ. “Хөнгөн цагаанаар хөдөлгүүрийг хийх төсөл маш сайн бодож боловсруулагдсан” гэж Залузек үргэлжлүүлэн хэлжээ.

Фордын энэхүү шинэ санаа автомашины жинг загвараас хамаарч 110-340 кг-аар багасгах гэнэ. Харин машины жин багаснаас хамаарч үнийн хувьд өөрчлөлт орохгүй ажээ. Фордынхны дүгнэлт хийснээр 2015 он гэхэд нийт авто хөлөг үйлдвэрлэгчдийн 70% нь нанотехнологийг ашиглах бөгөөд жилд долоон тэрбум ам.долларын орлого олох гэнэ.

SOURCE: news.mn

Энэхүү гайхамшигтай машин нь 2007 Ford FLEX Expedition-д суурьлагдсан америкийн “car wars” телевизийн шоунд зориулагдан хийгдсэн байна. Тэгээд 1-р байрт орсон машин. Энэхүү машиныг бүтээгчид 6 долоо хоногийн турш ажиллаж 100 мянган доллар зарцуулсан байна. Ингэж машин танигдахын аргагүй өөрчлөгдсөн ба энэ тухай ярьж байхын оронд зургийг нь үз. Одоо уг машиныг дуудлага худалдаагаар зарах ба эхлэх нь 40 мянган доллар гэнэ.

Өсвөр насны хүүхдүүд, жолооны үнэмлэхээ гардаж аваад удаагүй байгаа хүүхдүүдээ машин жолоодоод гадуур явна гэхээс ихэнх эцэг, эхчүүд санаа зовдог. Харин алдарт “Ford Motor” компани нэгэн сонирхолтой технологи нэвтрүүлэх гэж байна. Тус компанийн 2010 онд худалдаанд гарах шинэ загварын автомашин нь түлхүүрэнд суурилуулсан чипний тусламжтайгаар цагт 80 миль буюу 130 орчим км-ын хурдны хязгаарыг тохируулах боломжтой гэнэ. Түүнчлэн эцэг, эхчүүд хүүхдүүддээ зориулан аудио тоглуулагчийн дууны чанга сулыг тохируулж, хэрэв аюулгүйн бүсээ зүүгээгүй байвал дохио өгөх системийг ажиллуулах боломжтой. Энэхүү шинэ технологийнхоо талаар “Ford” компанийн цахилгаан системийн инженерийн албаны дарга Жим Букзовский “Эцэг, эхчүүдэд хандаж хэлэхэд, хүүхдэдээ автомашинаа унах эрх олгохдоо санаа зовох зүйлгүй, тайван амрах боломж олгохыг зорьсон юм” гэжээ.

“MyKey” нэртэй энэхүү шинэ, таатай технологи нь 2010 оны Ford загварын автомашинд суурилуулагдах ба компанийн 2010 оны автомашин нь ирэх зун худалдаанд гарах юм.

Түүнчлэн компанийн хийсэн судалгаагаар нийт эцэг, эхчүүдийн 75 хувь энэ мэдээлэлд туйлын таатай хандаж байгаа бол хүүхдүүдийн 67 хувь нь дурамжхан хүлээж авчээ.

Энэ жил Лос Анжелст боох автошоу дээр Ford  Mustang  GT-ийн рестайлингийг танилцуулах юм. Харин тэр болтол тэсч байгаа гэсэн шиг фордынхон машины зарим хэсэг, эд ангийг нь үзэх боломж олгожээ.

Харуулсан юмнаас нь үзвэл хамар, гэрэл болон бампер нь бага зэрэг өөрчлөгдөх бололтой.

Мөн дугуйн шинэ дисктэй болох бололтой. Жолоо ч мөн адил өөрчлөгдсөн бөгөөд дээр нь круиз контролийн товийг дээр нь байрлуулсан байна. Үүнээс гадна бүтээгчид нь ЖТ-ийн эмблемийг бага зэрэг шинэчилсэн байна.

Ford Explorer America жийп нь 5 хаалгатай 340 морины хүчтэй, V6 загварын 3,5 литрийн багтаамжтай хөдөлгүүртэй юм байна.

Авто машин үйлдвэрлэлийн салбарт тэргүүлэгчдийн нэг нь алдарт “Форд Мотор” компани. Тэдний үйлдвэрлэсэн машин олны талархлыг байнга хүлээдэг бол энэ удаад тэд үйлдвэрлэсэн машиндаа хөргөгч суулгасан явдал нь “Форд” машин сонирхогчдын анхаарлыг бүр ч илүү татаж эхлээд байгаа гэнэ. “Форд Мотор” компани “Флекс 2009″ загварын машиндаа 760 ам.долларын үнэтэй хөргөгч байрлуулж байгаа юм байна. Тус хөргөгч нь хоёр суудлын голд байрлах бөгөөд хэмжээ нь төдийлөн том биш гэнэ. Гэсэн ч машинд байрлах хэмжээнд яг тохирно гэж үзэж байгаа аж. Тус хөргөгчид долоон ширхэг лаазтай зүйл эсвэл 0.5 литрийн таван ширхэг шилтэй зүйл багтах боломжтой гэнэ. Түүнчлэн хөргөх чадварын хувьд өрөөний температурт байгаа шингэнийг хоёр цаг хагасын дотор таван хэм хүйтэн болгох чадвартай юм байна. Мөн хэрэглэгч өөрөө хүсвэл хөргөх градусынхаа хэмийг нэмж, хасах боломжтой гэнэ. Харин хамгийн сонирхолтой нь “Форд Мотор” компанийнхан тун удалгүй өөрсдийн үйлдвэрлэн гаргаж буй машиндаа шарах шүүгээ, халаагч, тусгаарлагчтай бие засах газар зэргийг бий болгох гэнэ.

SOURCE: Монголын мэдээ

Автомашины үйлдвэрлэлтээр дэлхийд тэргүүлэгчдийн нэг “Ford” компани шатахууны хэмнэлттэй шинэ загварууд гаргах журмаар том оврын ачааны тэрэг болон “SUV” төрлийн бүтээгдэхүүний үйлдвэрлэлтийг бууруулах болсон талаар мэдэгдлээ. АНУ-ын эдийн засгийн удаашрал тус компанийн борлуулалтад муугаар нөлөөлж байгаа бөгөөд шатахууны үнийн өсөлт хэрэглэгчдийн том оврын автомашин авах сонирхлыг бууруулж байгаа гэнэ. “Ford”-ын зүгээс энэ жилд алдагдалтай ажиллаж болзошгүй байгаа талаар зарлаад байгаа бөгөөд АНУ-ын эдийн засгийн байдал нь компанийн 2009 оны борлуулалтад ч муугаар нөлөөлнө гэж таамаглаж байгаа гэнэ.

Ингэснээр өнгөрсөн сарын байдлаар тус компанийн хувьцааны үнэ 2007 оны тавдугаар сартай харьцуулахад 16,8 хувиар буурсан байна. Одоо “Ford” 2008 оны хоёрдугаар улиралд том оврын автомашины үйлдвэрлэлтийг 90 мянгаар бууруулах гэж байгаа гэнэ. Харин гуравдугаар улиралд 475 мянган нэгж машин үйлдвэрлэх болсон нь өмнөх жилийн мөн үеэс 25 хувиар бага байгаа аж. Түүнчлэн өөрийн ажилчдын 12 хувийг нь цомхотгох гэж байгаа гэнэ. Баасан гаригт “Ford” компанийн нэг хувьцааны үнэ 8,1 хувиар буурчээ.

SOURCE: news.mn