Асаа.МН » Chrysler

”Chrysler” бүх үйлдвэрлэлээ зогсоов

info — Thu, 18 Dec 2008 04:08:14 +0000

АНУ-ын автомашин үйлдвэрлэгч их гурвын нэг “Chrysler LLC” лхагва гаригийн орой мэдэгдэл хийж, дор хаяж нэг сарын хугацаанд АНУ дахь бүх автомашины үйлдвэрлэлээ зогсоож буйгаа зарлалаа. Тус компанийн 30 салбар бүгд баасан гаригийн сүүлчийн ээлж солигдсоны дараа хаалгаа барих бөгөөд 2009 оны нэгдүгээр сарын 19 хүртэл ажилчид ажилдаа эргэж орохгүй гэдэг нь тодорхой болжээ. “Chrysler” компанийн удирдлага ийм арга хэмжээ авах болсон шалтгааныг америкийн худалдан авагчдын чадавхи буурч, борлуулалт эрс удааширсантай холбон тайлбарлав. Компани энгийн үед ч гэсэн арванхоёрдугаар сарын 24-нөөс нэгдүгээр сарын 5-ны хооронд үйл ажиллагаагаа түр хугацаагаар зогсоодог бөгөөд харин энэ удаад хугацааг 14 хоногоор сунгажээ.

“Chrysler”-ын хувьд ирэх нэгдүгээр сард үйл ажиллагаагаа түр хугацаагаар завсарлаж буй хоёр дахь томоохон компани болж байна. Өнгөрсөн долоо хоногт “General Motors” 2009 оны эхний улиралд Хойд Америкийн үйлдвэрүүдийн хүчин чадлыг 30 хувиар багасгаж буй тухайгаа мэдэгдсэн билээ. Ингэснээр 250 мянган автомашины үйлдвэрлэл бүрэн зогсч байна гэсэн үг юм.

Харин “Chrysler” үйлдвэрлэлээ бүрэн хаасан энэ хугацаанд хэдэн автомашин үйлдвэрээс гарах ёстой байсныг мэдээлээгүй бөгөөд 46 мянган ажилчид түр хугацаагаар ажилгүй болж байгаа талаар мэдэгдсэн байна. Тэдгээр ажилчдад компанийн зүгээс гэрээний дагуу нөхөн олговор олгох боловч цалингийн хөлснөөс бага байх болно гэжээ.

Дэлхийн хэмжээнд нүүрлээд буй эдийн засгийн хямралаас болж авто худалдаа ноцтой байдалд орсон юм. АНУ-д л гэхэд нийт өнгөрсөн сард нийт авто худалдаа 2007 оны мөн үетэй харьцуулахад 37 хувиар буурсан бол “Chrysler”-ын борлуулалт бүр 47 хувиар буурсан байна.

”Chrysler” компани бүхээгт тэрэгнийхээ үйлдвэрлэлийг багасгана

info — Thu, 03 Jul 2008 02:15:32 +0000

АНУ-ын автомашин үйлдвэрлэгч “Chrysler LLC” компани түлшний үнэ өсч, хэрэглэгчид бага оврын, түлш бага зарцуулдаг автомашин сонирхох болсноос өөрийн жижиг бүхээгт тэрэгнийхээ үйлдвэрлэлийг багасгах гэнэ. Тус компанийн АНУ-ын Миссури мужийн Сейнт-Луис хот дахь нэг салбар нь хаалгаа барьж, харин өөр нэгэн салбар нь хоёр ээлжтэй байснаа больж, нэг ээлжтэй болох аж. Үүний улмаас “Chrysler” компанийн 2400 ажилтан ажлаасаа чөлөөлөгдөх юм байна. “Chrysler” компанийн мөнхийн өрсөлдөгч болох “Ford Motor” болон “General Motors” компаниуд ч мөн адил том оврын автомашиныхаа үйлдвэрлэлийг багасгаад байгаа. Сүүлийн хэдэн сарын хугацаанд түлшний үнэ огцом өсч, урьд хожид байгаагүй хэмжээнд хүрснээр ганцхан АНУ-д төдийгүй дэлхийн хэмжээнд мини бүхээгт тэрэг, ачааны машин болон том оврын спорт загварын автомашины борлуулалт мэдэгдэхүйц хэмжээнд буураад байгаа юм.

“Энэ төрлийн зах зээлийн явц хэт удааширч, худалдан авагчдын сонирхол ч огцом буурч байна” хэмээн “Chrysler” компанийн ерөнхийлөгч Жим Пресс ярьжээ. Тэрбээр “Бид санхүүгийнхээ зорилгод хүрч ажиллахын тулд шаардлагатай зарим нэгэн бүтээгдэхүүний үйлдвэрлэлийг зогсоох болно” гэжээ.

Өнгөрөгч тавдугаар сард АНУ-д тус компанийн тээврийн хэрэгслийн борлуулалт 25 хувиар буурсан байна. Харин өнгөрсөн сарын эхээр “Ford Motor” компани энэ хэвээр ажиллавал энэ жил багагүй хэмжээний алдагдал амсана хэмээн ачааны машин болон том оврын спорт загварын автомашиныхаа үйлдвэрлэлийг багасгасан. Түүнчлэн “General Motors” компани дөрвөн өөр том оврын спорт загварын автомашин болон ачааны машиныхаа үйлдвэрлэлийг АНУ, Канад болон Мексикт багасгаад байгаа юм. Тус компанийн хувьцааны үнэ 1954 оноос хойш байгаагүйгээр буурч, хөрөнгө оруулагч, хувьцаа эзэмшигчид эмээж эхэлсэн байна.

SOURCE: news.mn

Chrysler Nassau

info — Tue, 10 Jun 2008 06:54:25 +0000

Chrysler Nassau нь люкс, 4 хаалгатай, 4 хүний, V8 загварын 6.1 литрийн багтаамжтай мотортой, 425 морины хүчтэй, 5 автомат хурдны хайрцаг, дээд хурд нь 165 mph, 100 км/цагийг 5 сек-т хурдаа авдаг юм байна.

2008 Chrysler Aspen