-Дэлхийн санхүүгийн хямрал манай автомашин борлуулагч нарыг туйлдуулж байна-

Дэлхийн санхүүгийн зах зээл дээрх хямрал хүрээгээ тэлсээр “цунами” болов. Энэхүү “цунами” манай улсын автомашин борлуулагч нарт хүндээр тусч эхэллээ. Учир нь өнгөрсөн сарын дундуур банкууд зээлээ хааж, бууруулсан нь тэдний бизнесийг ийн хүнд байдалд оруулжээ. Өнөөдрийн байдлаар “Дэнжийн 1000” худалдааны төв дэх автомашин борлуулах захад 50 гаруй иргэн талбай түрээсэлж, бизнесээ эрхэлж байна. Энд таван машин зарах гэсэн нэгэн байхад ганцыг наймаалцах гэж хэдэн өдрийг хий дэмий өнгөрөөсөн хүн ч байлаа.

Continue reading »

Улаанбаатарчуудын хөл дүүжлэх унаа нь нийтийн тээвэр. Хүн бүр хувийн машин унах боломжгүйгээс хойш өглөө, оройдоо автобус, троллейбусаа л барааддаг.

Гэвч сүүлийн үед нийтийн тээврийн үйлчилгээ нэг л биш болоод байна. Салж унах дөхсөн, хог шороондоо дарагдсан, хүйтэн автобусанд ааштай мөнгө хураагч, адайр жолоочид загнуулан байж хүрэх газартаа очвол их юм. Замын хагаст дугуй нь хагараад, эвдэрч зогсох энүүхэнд. Бүр өчнөөн зорчигчтой троллейбусанд гал гарсан гээд л бод. Эсвэл автобуснууд хоорондоо уралдаж, элэг зүрх амаар гаргахаа шахна. Өнгөрөгч сард зорчигчоо булаацалдсан хоёр том автобус нэгнийгээ шүргэж, толийг нь хугалсан хэрэг гарсан. Мэргэжлийн хяналтын байгууллагын шалгалтаар нийтийн тээврийн автобус жолоодож яваа хүн согтуу байсан тохиолдол ч хэд хэдийг илрүүлсэн нь бий.

Continue reading »

Хотын ачаалалтай автозамаар зорчигч иргэн танд болгоомжтой байхыг анхааруулах үүднээс нэгэн сонин тоог сонирхуулъя. Өнгөрсөн гурван жилийн турш авто ослоор амь насаа алдаж, эрүүл мэндээрээ хохирсон иргэдийн 4551 нь гарц, гарамгүй газраар зам хөндлөн гарч яваад хохирсон иргэд байна. Энэ бүхэн замын тэмдэг, тэмдэглэгээгүйгээс үүдэлтэй гэдгийг мэргэжлийн байгууллага үзэж буй юм. 

Continue reading »

-Аюулгүй бүсийг үргэлж зүүж яв
Зам дээр ямар ч асуудал гарч болзошгүй тул таны эрүүл мэнд, цаашлаад амь насыг хамгаалалтын бүс авардаг.

-Туршлага багатай бол
Хөдөлгөөнд оролцохдоо баруун эгнээг сонго. “50-60 км” цагаас илүү бүү хурдал.
-Жолоо барьснаас хойш 2-3 сарын дараа дадлагатай болдог гэдэг. Гэвч энэ нь тийм биш. Харин ч эсрэгээрээ байдаг. Ийм үед зам дээр тавих анхаарлаа нэмэгдүүлж, хурдлахгүй байхыг хичээ.

Continue reading »

Дэлхийн зах зээл дээр нефтийн үнэ хоёр дахин буурсан ч бидний амьжиргаанд нөлөөлсөнгүй. Ганц нэг бараа, үйлчилгээний өртөг 30-150 төгрөгөөр буурсныг эс тооцвол нефтийн компаниу­дын ашиг ч нэмэгдээгүй байна. Учир нь өчигдөр AOL.COM сайтын мэдээлснээр дэлхийн зах зээл дээр нефтийн үнэ 57. 6 ам.доллар байна.

Харин Оросын NGE.RU сайтын мэдээлснээр ОХУ-ын дотоод зах зээлд 90 орчим ам.долларын үнэтэй болсон. Гэсэн ч Орост нефтийн үнэ эрчимтэй унаж байна гэгдсээр. Өчигдрийн байдлаар тонн тутам нь өдөрт найм, сүүлийн долоо хоногт 40 ам.доллараар буурчээ. 

Continue reading »

James Bond киноны 1976 онд гарсан “The Spy Who Loved Me” киноны газар уснаа явагч “amphibious” машиныг Лондонд дуудлага худалдаанд оруулах юм байна. Дуудлага худалдааны анхны үнэ нь £120,000-гаас эхлэх аж.

Continue reading »

Авто засварын газар гэхээр л тос шороо болсон хувцастай хүмүүс нэг машин ирэхээр “би чадна, би чадна” гээд хошуурчихдаг хүмүүсийн дүр тодордог болоод удаж байна.

Yүгээр ч зогсохгүй “Да хүрээ”, “Өгөөмөр” техникийн захаар ч ийм хүн олон бий. Гэр хорооллын төв зам дагуу “Дугуй засвар 24 цаг”, “Хийн болон хүйтэн гагнуур хийнэ”, “Тос масло солино, агергат, кузав засвар”, “Радиотар сэтгэнэ” гэсэн хаягтай чингэлэг, жижиг шавар амбаар олон бий. НМХГ Улаанбаатар хотод 232 засварын газрыг шалгасан байна. Энэ нь нийт засварын газрын 90 хувь нь хамрагдсан гэсэн үг ажээ. Дээрх хаяг бүхий газрууд ажлын байр нь бохир, бие засах гар угаах газаргүй, зөвшөөрөлгүй байдаг ажээ. Мөн тэнд ажиллаж буй иргэд нийгмийн даатгалд хамрагддаггүй юм байна. Ашиглаж буй тоног төхөөрөмж нь хуучирсан, хамгаалах хэрэгсэлгүй осол гаргах нөхцөл бүрдсэн байжээ. Мөн гагнуур хийж буй хүмүүс нь зориулалтын хамгаалах хэрэгсэлгүй хар нүдний шил зүүж ажилладаг юм байна.

Continue reading »

Хөхүүрийн ам цаашилж, хүйтний улирал айлчилснаар Улаанбаатарт дулаан гараашны асуудал шүдний өвчин болоод байна. Дэд бүтэц муу, барилгын стандарт зөрчигдсөн энэ нөхцөлд тулгарч буй бэрхшээлүүдийн нэг бол яах аргагүй машины зогсоол. Ачааллаа дийлэхээ больсон зам нь байнга түгжрээстэй. Баруунд ямар ч албан газар гадаах талбайн машины зогсоолдоо хамгийн их анхаарал тавьдаг. Тухайн байгууллагын ажилчдад зориулсан машины гарааш байрны доод давхарт нь байдаг. Харин манайд бол эсрэгээрээ. Ажилчдад зориулсан машины зогсоол гэж огт үгүй. Гадаах талбайг өдөржин ажиллах хүмүүсийн машин эзэлдэг. Тиймээс үйлчлүүлэхээр ирсэн хүмүүсийн хувьд замын нэгдүгээр эгнээ буюу хориотой хэсэгт машинаа тавихаас аргагүй. Энэ нь зорчих хэсэг буюу хөдөлгөөнд оролцогчдод саад болж зам түгжрэх үндсэн шалтгаан болдог. Замын цагдаагийн газраас саяхан замын нэгдүгээр хэсэг буюу хөдөлгөөний зорчих хэсэгт машинаа тавьсан хүнийг торгох, улмаар машиныг нь шууд ачиж журамлах сарын аян зарласан. Жолооч нар ч замын нэгдүгээр хэсэгт машин тавихгүй болохоор зам сэлүүхэн бөглөрөл бага байдгийг тэгэхэд л анзаарлаа гэж ярьж байсан.

Continue reading »