Автотехникийн улсын үзлэг эхлээд багагүй хугацаа өнгөрсөн ч хамрагдаж байгаа тээврийн хэрэгслийн тоо хангалттай биш байна. Өдөр өдрөөр нэмэгдэж байгаа ч энэ янзаараа явбал товлосон хугацаандаа амжихад хүндрэлтэй. Мөн үзлэгийн сүүлийн өдрүүдэд хэт их ачаалал үүсч жолооч нар өдөржин дугаарлаж цаг заваа бардаг. 

Ийм байдлаас сэрэмжлэхийн тулд ачаалал багатай үед үзлэгтээ орохыг Замын цагдаагийн газраас жолооч нарт анхааруулж байгаа. Автотехникийн улсын үзлэгтэй холбоотой асуудлаар ЗЦГ-ын Бүртгэл техник хяналтын хэлтсийн дарга, цагдаагийн дэд хурандаа Д.Мөнхбаатартай ярилцлаа.

-Автотехникийн улсын үзлэг тооллого эхлээд бараг cap болох нь. Гэтэл үзлэгт хамрагдалт тааруухан байгаа нь юутай холбоотой вэ. Манайхны цагийг нь тулгаж ордогтой юу, эсвэл энэ жил арай өөр шаардлага тавиад байгаа юм уу?

-Үзлэг тооллогыг энэ жил арай эрт бараг cap хагасын өмнө эхлүүлсэн. Тээврийн болоод өөрөө явагч хэрэгслийн албан татварыг төвлөрүүлж, төвлөрсөн хөрөнгөөр нийслэлийн замыг сайжруулах ажил хийдэг. Тавдугаар сарын 1-нээс эхэлсэн үзлэг тооллогын явцад цугласан татварын хөрөнгийн хуваарилалтыг хийж, дараа нь ажил гүйцэтгэх тендер энэ тэр гэсээр байтал бороо орж, наадам, амралт зугаалгын цаг эхлээд төвийн хэдэн дүүргийн замыг халти мултихан янзалсан болоод дуусдаг.
Тиймээс энэ байдлыг өөрчлөх зорилгоор үзлэгийг арай эрт эхлүүлэх шийдвэрийг нийслэлийн Засаг дарга гаргасан. Хоёрт, энэ жилийн хувьд Ерөнхийлөгчийн сонгуулиас өмнө үзлэгийг явуулж дуусгах шаардлагын улмаас мөн эрт эхлүүлсэн.
Жолооч нарт тавьж байгаа шаардлага өндөрссөн тал бий. Замын цагдаагийн газрын даргын 151 дүгээр тушаалаар техникийн хувьд бүрэн бүтэн, өнгө үзэмж сайтай тээврийн хэрэгсяийг хөдөлгөөнд оролцуулна гэснийг гол үндэс болгож байгаа. Энэ шаардлагыг хангахгүй байгаа машиныг оношлогоонд хамруулж, тэнцэхгүй гэсэн дүгнэлт гарах юм бол тээврийн хэрэгслийн гэрчилгээ, улсын дугаарыг хурааж засч сайжруулсны дараа дахин оношлуулж шаардлага хангасан нөхцөлд буцааж олгох юм. Нэг ажил заавал нөгөөтэйгөө уялдаж байдаг зарчмаар энэ удаагийн техникийн улсын үзлэг тооллогоор уг тушаалын хэрэгжилтийг бүрэн дүүрэн хангуулах зорилт тавьж байна. Улсын дугаар үзэгдэхээргүй баларсан, гэрэл дохионууд нь хагарчихсан, дугуйнууд нь халзан ийм тээврийн хэрэгслийг үзлэгийн үеэр илрүүлж засуулж сайжруулах арга хэмжээ авна.

-Энэ жилийн үзлэг хоёр үе шаттай явна гэхээр хүмүүс сайн ойлгохгүй байгаа юм биш биз?

-Үзлэг хоёр үе шаттай явна гэдгийг манайхан нэлээд сайн ярьж таниулж байгаа. Хэвлэл мэдээллээр ч хангалттай сайн сурталчилсан. Нэгдүгээрт, ерөнхийд нь тоолоод чанар сайтай машинуудаа үзлэгт бүрэн хамруулна. Энэ ажил тавдугаар сарын 1 гэхэд дуусах учиртай. Үүнээс цааш шинэчилсэн бүртгэлийн үйл ажиллагаа гэж явах юм.

-Шинэчилсэн бүртгэлийг явуулах зорилго нь юу юм бэ?

-Статистик тоог гаргахдаа үзлэгт орсон машинаараа тооцдог. Өнгөрсөн жил гэхэд улсын хэмжээгээр 216 мянган машин үзлэгт орсон хэрнээ манай бүртгэлийн баазад 335 мянган тээврийн хэрэгсэл байгаа гэсэн зөрүүтэй тоо гардаг юм. 100-гаад мянган машин хаачсан нь мэдэгдэхгүй байгааг энэ шинэчилсэн бүртгэлээр цэгцлэх хэрэг.

-Танай бүртгэлийн баазад байгаа гэхээр улсын дугаар авсан машинууд гэсэн үг үү?

-Ерөөсөө л Замын цагдаатай харилцаж улсын дугаар, техникийн гэрчилгээ авсан, хилээр орж ирсэн машины тоо.

-Чухам яагаад ийм зөрүүтэй тоо гардаг юм бол?

-Хэд хэдэн шалтгаан байдаг юм. Техникийн улсын үзлэгт хамрагдаагүй, эзэн нь гарааш зогсоолд тавиад гадаадад хоёр, гурван жилээр явчихсан, эсвэл яг үзлэгийн үеэр томилолтоор эзгүй байсан байж болно. Нэг бол машин нь тухайн үед эвдэрсэн, эсвэл бүр жилийн өмнөөс эвдрээд хөдөлгөөнд оролцоогүй байж мэднэ.
Мөн засах аргагүй машинаа төмрийн хогонд тушаачихсан хэрнээ бүртгэлээс хасуулаагүй байдаг. Ийм зүйлүүдийг нягталж, бүртгэлийн баазаа цэгцэлнэ. Ингэснээр Монгол Улсад байгаа тээврийн хэрэгслийн талаар бүрэн мэдээлэлтэй болж нэгдсэн нэг тоо хэлж байх боломжтой болох юм. Тавдугаар сарын 1-нээс зургадугаар сарын 1 хүртэл явуулах үзлэгийн хоёрдугаар шатны гол зорилго энэ.

-Ямар нэг шалтгаанаар өмнөх жилүүдэд үзлэгт ороогүй бол тшринн хэрэгслийн татвараа нөхөж төлөх үү?

-Өнгөрсөн жилийн наймдугаар сараас хойшхи татвар хураамжаа төлөөд үзлэгт орж болно. Энэ жилийн хувьд өмнөхийг нь хамаарахгүй. Эвдэрч хэмхрээд ашиглагдахгүй байгаа нэг үгээр хөдөлгөөнд огт оролцохгүй байгаа хэрнээ бүртгэлтэй машинуудыг эзэн нь хүсэлтээ гаргаад ирвэл татвар энэ тэр гэхгүйгээр бүртгэлээс хасч болно.

-Гэхдээ огт засвар авахгүй биш, мөнгө төгрөгний бололцоо, сэлбэг хэрэгслийн олдоц зэргээс болоод ашиглаж чадахгүй байгаа машиныг ч бүртгэлээс хасуулах ёстой юу?

-Хэзээ нэг цагт мөнгөтэй болохоороо засуулаад унана даа ч гэдэг юм уу, эсвэл хүүхдээ том болохоор нь өгнө гэж хадгалж байгаа, эртний машин цуглуулах хообийтой хүмүүс байдаг. Эдгээр тохиолдолд тээврийн хэрэгслийнхээ татварыг төлөөд бүртгэлээс хасуулахгүйгээр улсын дугаар, тээврийн хэрэгслийн гэрчилгээгээ манайд хураалгана. Хэрэв хөдөлгөөнд оролцох бол оношлогоонд оруулж техникийн хувьд шаардлага хангана гэсэн дүгнэлт гаргуулаад улсын дугаар, тээврийн хэрэгслийн гэрчилгээгээ буцааж авах боломжтойгоор.

-Хотод байгаа хүний нэр дээр улсын дугаар авчихаад хөдөө унаж байгаа машин олон байдаг бололтой юм. Ийм тохиолдолд яах вэ?

-Дүүрэг, хорооны бүртгэлийн дагуу шалгаад Замын цагдаагийн бүртгэлд байгаа хаягаар уг тээврийн хэрэгсэл байгаа эсэхийг тогтооно. Тээврийн хэрэгслийн гэрчилгээ хэний нэр дээр байна тэр хүн татвар төлөх ёстой болох учраас ийм асуудлыг мөн цэгцлэх юм. Ер нь л нэлээд их хөдөлгөөн хийгдэнэ.

-Хоёрдахь шатны үзлэгийг ямар хүмүүс явуулах вэ?

-Дүүрэг бүрт Засаг даргын орлогчоор ахлуулсан ажлын хэсэг гарна. Хорооны Засаг дарга, цагдаагийн байцаагч, иргэний бүртгэлийн болон замын цагдаагийн ажилтнууд оролцсон ажлын хэсэг хороо тус бүрт ажиллана. Иргэдтэй хамгийн ойр ажилладаг гэдэг утгаараа тэд хэн ямар машинтай, тэр нь явдаг явдаггүйг сайн мэднэ шүү дээ. Тийм болохоор айл өрх нэг бүрээр явж бүртгэж авах юм. Ингэж бүртгэх үедээ тухайн машины хөдөлгөөнд оролцох боломжтой хэхийг тодорхойлж, нэр шилжүүлэх зэрэг бүртгэлийн ямар нэг зөрчил байвал түүнийг нь арилгуулах үүрэг хүлээнэ.

-Үзлэгт орох жолооч нарт анхааруулж хэлэх зүйл байна уу?

-Үзлэгт орохоор очих жолооч нар хамгийн нэгдүгээрт хорооны Засаг даргын тодорхойлолтыг авсан байх ёстой. Уг тодорхойлолтыг үндэслэж үзлэг тооллогод хамруулна. Тиймээс тодорхойлолтгүй ирчихээд эргэж буцах тохиолдол гарч байгааг анхаарах учиртай.
Хоёрт, техникийн бүрэн бүтэн байдлыг хангасан байх нь зайлшгүй.
Гуравдугаарт, хаяг байршлаа сольсон бол иргэний шилжилт хөдөлгөөнөө хийлгэсэн байх хэрэгтэй. Хорооны иргэний бүртгэлийн ажилтан амралтын өдрүүдэд ч ажиллаж байгаа.

-Улсын үзлэгийн үеэр машинаа заавал оношлогоонд оруулах ёстой юу?

-Өнгөрсөн жилийн үзлэгээс хойш буюу зургадугаар сараас хойш оношлогоонд хамрагдсан бол заавал ор гэж шаардахгүй.

-Гаднаас оруулж ирээд удаагүй байгаа бол мөн л оношлогоонд оруулах уу?

-2007-2008 онд үйлдвэрлэгдсэн тээврийн хэрэгслийг гурван жилийн хугацаанд оношлогоонд оруулахыг шаардахгүй. Харин үүнээс өмнөх оных бол заавал оруулна. Манайхан сая орж ирсэн гэж ярьдаг ч машиных нь нас хуучин байдаг юм.

-Манайд явж байгаа машинуудыг насжилтын хувьд аваад үзэхэд ямар байдаг вэ?

-Үзлэгт хамрагдсан тээврийн хэрэгслийн бүртгэлээс харьцуулаад үзэхэд 10-аас дээш жилийн насжилттай нь 80 хувиас дээш байгаа. Хуучин машин дийлэнх гэсэн үг шүү дээ. Бид саяхан нийтийн тээврийн стандарт гэж гаргахдаа автобусны 12-оос дээш жилийн насжилттайг зорчигч тээврийн үйлчилгээнд явуулахгүй гэж тогтоосон. Үүнтэй адилхан улсын хэмжээгээр 10-аас дээш жилийн насжилттай машин явуулахгүй ч гэдэг юм уу стандарт гаргачих боломжтой. Зах дээр зарагдаж байгаа машинуудыг харахад 1995-2000, арай залуу нь 2002-2003 оных л байна шүү дээ.

-Санхүүгийн хямрал нүүрэлсэн гэх энэ үед шинээр бүртгэлд орох машины тоо цөөрч байна?

-Цөөрсөн. Ачаалалтай үед өдөрт 400, заримдаа 300 орчим машиныг бүртгэж улсын дугаар олгодог байсан. Одоо 100 орчим гэхээр нэлээд буурсан байгаа биз дээ.

Улаанбаатарын сонин

Энэ жилийн тооллого нь 03 дугаар сарын 15-наас 05 дугаар сарын 1 хүртэл 1 үе шат буюу үндсэн тооллого, 05 дугаар сарын 01-нээс 06 дугаар сарын 01 хүртэл 2 дугаар үе шат буюу шинэчилсэн бүртгэл явагдана гэж бид урд нь мэдэгдсэн билээ.

Төлөвлөсөн ёсоор үзлэг тооллого хугацаандаа эхэллээ. Үзлэгийн эхний өдрийн байдлаар нийслэлд 781 тээврийн хэрэгсэл хамрагдсанаас БЗД 137, БГД 157, СХД 103, СБД 85, ЧД 235, ХУД 64 тээврийн хэрэгсэл үзлэг тооллогодоо хамрагдсан байна.

Үзлэгт хамрагдсан тээврийн хэрэгслүүдээс төрлөөр нь ангилвал: Жийп 171, суудлын 535, ачааны 43, автобус 16 хамрагджээ.

Дөрөвдүгээр сардаа багтааж төрийн байгууллагуудыг үзлэгт хамруулахаар төлөвлөж байгаа ба өнгөрсөн ням гаригт төр захиргааны авто бааз хамрагдлаа.

Өмнөх жилүүдээс дүгнэлт хийхэд үзлэгийн сүүлийн өдрүүдэд ачаалал ихсэж тээврийн хэрэгсэл эзэмшигч иргэдэд болон үзлэг явуулж байгаа байгууллагын ажилчдад хүндрэл ихээр учирдаг. Иймд иргэддээ хугацаандаа хамрагдахыг ЗЦГ –аас анхааруулж байна.

Авто засварын газар гэхээр л тос шороо болсон хувцастай хүмүүс нэг машин ирэхээр “би чадна, би чадна” гээд хошуурчихдаг хүмүүсийн дүр тодордог болоод удаж байна.

Yүгээр ч зогсохгүй “Да хүрээ”, “Өгөөмөр” техникийн захаар ч ийм хүн олон бий. Гэр хорооллын төв зам дагуу “Дугуй засвар 24 цаг”, “Хийн болон хүйтэн гагнуур хийнэ”, “Тос масло солино, агергат, кузав засвар”, “Радиотар сэтгэнэ” гэсэн хаягтай чингэлэг, жижиг шавар амбаар олон бий. НМХГ Улаанбаатар хотод 232 засварын газрыг шалгасан байна. Энэ нь нийт засварын газрын 90 хувь нь хамрагдсан гэсэн үг ажээ. Дээрх хаяг бүхий газрууд ажлын байр нь бохир, бие засах гар угаах газаргүй, зөвшөөрөлгүй байдаг ажээ. Мөн тэнд ажиллаж буй иргэд нийгмийн даатгалд хамрагддаггүй юм байна. Ашиглаж буй тоног төхөөрөмж нь хуучирсан, хамгаалах хэрэгсэлгүй осол гаргах нөхцөл бүрдсэн байжээ. Мөн гагнуур хийж буй хүмүүс нь зориулалтын хамгаалах хэрэгсэлгүй хар нүдний шил зүүж ажилладаг юм байна.

Эдгээр засварын газарт ажилладаг нөхдүүд дандаа архи үнэртүүлсэн согтуу байдаг гэхэд хилсдэхгүй.

Баянхошуунд байдаг нэг засварын газрын гагнуурчнаар “Зил-130” маркийн машинтай нэгэн ачаа татах хэрэгслийн дэгээ гагнуулжээ. Уг гагнуурчин тухайн үед согтуу байсан аж. Түүнд машины эзэн яаж, хаана нь гагнахыг зааж өгөөд ойролцоох дэлгүүр рүү явсан байна. Энэ үед нөгөө гагнуурчин дэгээнүүдийг нь уг машины буруу газар наагаад гагнасан байжээ.

Нэг найз маань шүргэлцсэн машиныхаа сэвийг гаргуулахаар бас л засварын газар очиход нэг залуу гарч ирж үзээд “Өө наадах чинь гайгүй юм байна. Би энэ байтугай сэв гаргаж байсан. Удахгүй нэг цаг л болно” гэв. Найз маань хөдөө явах гээд яарч байсан болохоор түүгээр янзлуулахаар болж л дээ. Гэтэл тэр залуу машиных нь сэвийг гаргах гээд лантуугаар нүдэж улам том болгочихсон удаатай. Жолооч нарын дунд нэг яриа байдаг. Зарим жолооч байнга үйлчлүүлдэггүй дугуй засварын газраар дугуйны олгой хаймар солиулахад хадаас хийгээд хийлчихдэг. Тэгээд дөнгөж хөдлөөд хагарчихдаг юм. Буцаад нөгөө газраараа нөхүүлэх ажил гардаг хэмээн ярьдаг нь ортой л болов уу. Мэргэжлийн хяналтынхан дээрх засварын газруудад зөрчлөө арилгах хугацаатай үүрэг өгч нийт хоёр сая төгрөгөөр торгосон ч байдал хэвээр байгаа нь илт байна. Засуулах гээд эвдүүлсэн хүмүүс янз бүрийн гомдол гаргаад байдаггүй юм байна. Мэргэжлийн хяналтынханд засварын газруудтай холбоотой гомдол жилд 2-4 удаа л ирдэг ажээ. Учир нь, нөгөө засварчин нь төлбөрийн чадваргүй, засварын газраараа орон гэр хийсэн хүмүүс байдаг тул тэгсхийгээд бухимдаад л өнгөрдөг бололтой. Ямартай ч, зах зээл өөрийнхөө голдрилоор чанартай, чанаргүйг нь ялгаад өгөх боловч шаардлага хангахгүй засварын газруудыг цэгцлэх цаг нь болсон бололтой.

SOURCE: ardchilal.com

Тvvнчлэн машинаа асаагаад яндангаас гарч байгаа утааны хэмжээг хар. Хар утаа ихээр хаяж байгаа машин тодорхой хэмжээний эвдрэлтэй байна гэсэн үг. Утаа гэдэг бол автомашины хєдєлгvvр ямар байгааг илэрхийлдэг нэг vзvvлэлт. Гарч буй утааны хэмжээ их байвал уг машин цаашид удаан явахгүй гэсэн vг. Дараагийн нэг анхаарах зvйл гэвэл автомашины жолоог эгц байрлуулсны дараа машинаа урдаас нь харж, дугуй нь голлож байгаа эсэхийг хар. Дугуй нь дотогшоо эсвэл, гадагшаа налсан байвал дугуйны элэгдэл хурдан байдаг. Солих хугацаа болоогvй байхад дугуй нь тvрvvлээд элэгддэг. Мєн маневр хийх чадвар нь муудсаныг илтгэнэ.

Машинаа унаж vзэх хэрэгтэй. Ойр зуур шороон замаар явж vзээд дуу чимээ нь хэр байгааг чагнаж vзээрэй. Мєн баруун, зvvн тийш эргэх маневр нь хэр байна гэдгийг шалгаад vзэхэд гэмгvй. Үүнээс гадна машины єнгє будгийг анхаарахгvй орхиж vл болно. Машины их бие болох кузовт зураас хонхорхой байна уу, будганд орж байсан эсэх гэх мэтийг сайтар шалгаж харах хэрэгтэй.

Авах гэж буй машинаа унаад засварын газруудад хандаж, мэргэжлийн хvмvvсээр шинжлvvлэхэд илvvдэхгvй. Хєдєлгvvрийн гадна талд бохирдолт хэр байгааг сайтар ажигла.

Та худалдан авах гэж буй автомашиндаа оношилгоо хийлгэснээр:

Өөрийн автомашиныхаа доголдлыг арилгуулах хамгийн зөв, хямд аргыг олон зардлаа хэмнэх, урт удаан хугацаанд найдвартай эзэмшин ашиглах боломжтой.

Таны худалдан авах автомашиныг оношилон үйлчилгээ хийхээс гадна таны автомашинд 3 сарын баталгааг гарган өгч энэ хугацаанд гарсан эрсдэлийг хариуцана.

Та дизель хөдөлгүүртэй машин худалдаж авсан бол юу хийх ёстой вэ?

Таны худалдаж авч буй машины эзэн уг машинд ямар үйлчилгээ хийж байснаас огт хамааралгүйгээр хий хуваарилах механизмын ременийг/ духны/ шууд солих хэрэгтэй. Ремень авахдаа хямдыг нь харж авах хэрэггүй. Болж өгвөл фирмийн ремень аваарай. Хямд болон хуучин ремень авбал хэмнэсэн мөнгөө эргээд л засварт үрэх болно.

Үүний дараа тос болон түлшний шүүрийг зайлшгүй солих шаардлагатай. Шүүрээ сольж байх үедээ тосоо хамт солих нь зохимжтой.

Машин авсны дараах долоо хоногт хөдөлгүүрийн тосны хэмжээг нарийн үзэж байх хэрэгтэй. Хэрвээ тосны хэмжээ ямар нэг үзэгдэх шалтгаангүйгээр багасч байвал тосны кольц элэгдсэнийг гэрчилж байгаа бөгөөд зайлшгүй засварлана гэсэн үг.

Моторын тосны хувьд өвлийн улиралд 5W-30, 5W-40 боломжтой бол 0W30 маркийн синтетик тос хэрэглээрэй.

Алтан шар зам тань өлзийтэй байх болтугай!

Нийслэлд авто засварын газраас олон зүйл байхгүй гэж хэлж болно. Байшингийн өнцөг булан бүрт шахуу “Авто засвар” гэсэн хаяг харагдах вий. Тэдний дийлэнх нь вьетнам гэсэн тодотголтой. Улаанбаатар дахь  вьетнам засварын газрын тоог одоогоор  хэн ч сонирхож гаргаагүй байна. Вьетнамын Элчин сайдын яамныхан ч “олон шүү” гэхээс илүү тодорхой тоо хэлж мэдэхгүй юм билээ.

Үйлчилгээ эрхэлж буй цэгийн тоо нь чухал биш. Ямартай ч өнөөдөр вьетнам  засварын газар Улаанбаатарыг эзэгнэсэн гэж хэлж болно. Вьетнам, монгол хоёр засварын газар зэрэгцээд байрлаж байхад машинаа бүтэн будуулах гэсэн ч юм уу, жижиг сажиг сэв гаргуулах гэсэн жолооч үйлчилгээний хөлс өндөртэй ч вьетнамыг нь  сонгох юм. Яагаад тэр юм бол. Вьетнамчуудаар нэг их сэв, замаскгүй суудлын тэргийг бүтэн будуулахад 600 мянган төгрөг шаардлагатай. Гэтэл монгол хүнээр будуулахад 300-400 мянган төгрөг л хэрэгтэй. Энд бараг хоёр дахин илүү үнийн зөрүү харагдаж байгаа биз.

 Жолооч нараас “Веьтнам засварын газрынхан яагаад үйлчлүүлэгч олонтой байдаг юм бол” гэж  асуухад, олонх нь “Хамгийн гол нь тэд үнэнч, сэтгэлээсээ найдвартай хийдэг. Манай монголчууд  хэцүү шүү дээ. Бүх засварт нь 500 мянган төгрөг орно гэж аваад, халтуурдаж нүд хуурах зүйл хийгээд л  250 мянган төгрөгийг нь халааслах жишээтэй. Тийм болохоор өндөр үнэтэй ч гэсэн вьетнамчуудыг сонгодог” гэсэн товч тодорхой хариулт өгч байв.

Гаднаасаа бол монголчуудын ажилладаг засварын газраас ялгарах зүйл огт ажиглагдахгүй л дээ. Нийслэлийн Баянзүрх дүүргийн ЗДТГ-ын ойролцоо байрлах  вьетнам засварын газраар оров.  Нэрээ хэлэхийг хүсээгүй монгол хэл муухан мэдэх вьетнам залуугаас  “Танай  үйлчилгээний бусдаас ялгарах онцлог юу вэ” хэмээн асуухад” Бид ямар ч машинд япон будаг, америкийн замаск хэрэглэдэг. Ийм будаг, замаск харьцангуй үнэтэй болохоор үйлчилгээний хөлс Монголынхтой харьцуулахад өндөр байдаг юм.

Гэвч үйлчилгээний хөлс өндөр гэхгүйгээр монголчууд биднээр олноороо үйлчлүүлдэгт баярладаг. Үнэ дагаж чанар гэдэг шүү дээ. Түүнээс биш будах, сэв гаргах технологи адилхан. Ялангуяа  будгийг  нүд хуурсан байдлаар хийж огт болохгүй. Машин тухайн  хүний өчнөөн жил хураасан мөнгөөрөө авсан хөрөнгө учраас түүнд хөнгөн гоомой, хуурамч байдлаар хандаж болохгүй” гэж ярилаа.

Вьетнамчууд авто засвараараа Монголд төдийгүй бусад орны зах зээлд ч нэвтэрч, нэр хүнд  олж чаджээ.

Уг нь монголчууд ур чадвараараа тэднээс дутахгүй. Харин халтуурдаж, мөнгө унагах гэдэг өөдгүй зангаасаа салчихвал ч вьетнамчуудтай өрсөлдөж болмоор доо.

www.mongolanews.mn

AUTO S.O.S. 1924 тусгай дугаарын утсанд холбогдсоноор та япон болон солонгос автомашины эвдрэл гэмтэл, сэлбэг, засвар үйлчилгээний талаар техникийн зєвлєгєє, үнийн болон бусад лавлагааг єдєр бүрийн 9.00-18.00 хооронд авах боломжтой.

4х4 Авто Оношлогоо Засварын Төв нь LAUNCH TECH-ийн гаражийн иж бүрэн тоног төхөөрөмжтэйгээр анх 2003 оны намар байгуулагдан нээлтээ хийснээс хойш үйл ажиллагаагаа тасралтгүй явуулсаар ирлээ. Энэ хугацаанд манай төвийн хамт олон X-431 Super scanner, ЕА-2000 Хөдөлгүүрийн оношлогооны стенд, KES-200 мотор тестер, VEA-501 Утааны хийн найрлага шинжлэх багаж, ADD9000A Автомашины тоон оношлогооны иж бүрдэл багаж зэрэг мэргэжлийн тоног төхөөрөмжөөр тоноглогдсон Оношлогооны  мэргэжлийн багийг ажиллуулж орчин үеийн хөдөлгүүр болон автомашины удирдлагын цахим систем (ECU) бүхий бүх төрлийн Aвтомат хурдны хайрцаг, ABS,  ослын дэр, круйз контроль, климат контроль, иммобилайзер, зогсоолын систем, хийн нуман систем, GDI буюу Бензиний шууд цацалтат (Бензиний шууд цацалт гэдэг нь хоёр болон дөрвөн тагтын бензин хөдөлгүүрт хэрэглэгддэг түлшний цацалтын орчин үеийн нэг төрөл юм. Өндөр даралт бүхий бензинийг түлшний үндсэн хоолойгоор цилиндр бүрийн шатах камерт/шаталтын хөндий/ шууд цацах хэлбэрийг хэлдэг. Энэ хэлбэр нь түлшний бага зарцуулалтаар их чадал гаргах зорилгоор бүтээгдсэн давуу талтай боловч маш өндөр чанарын бензин хэрэглэхийг шаарддаг учир манай орны нөхцөлд зарим бэрхшээлтэй учирдаг) хөдөлгүүр зэргийн оношлогоо, засвар үйлчилгээг өндөр түвшинд хийж гүйцэтгэж байна.

Мөн манай төвийн механик, засварчдын баг бүх төрлийн Япон автомашины дизель болон бензин хөдөлгүүрийн засвар, Хүч дамжуулах ангийн засвар, Тэнхлэгийн засвар, Цахилгаан тоноглолын засвар, оношлогоо зэргийг мэргэжлийн өндөр түвшинд найдвартай хийж хэрэглэгчдийн талархлыг хүлээж байдаг.

Оношлогооны хэсэг

Тэнхлэг тохиргоо